Qazaqstanda nesıesi bar jáne ony bir jyl boıy tólemeı júrgenderdiń qaryzy keshirilýi múmkin. Bul – jeke tulǵanyń bankrottyǵy týraly zań jobasynda kórsetilgen múmkindik. Qujat jaqynda depýtattar talqysyna usynylady dep habarlaıdy «Adyrna» tilshisi «Habar24»-ke silteme jasap.
Telearnanyń málimetinshe, problemalyq qaryzy bar qazaqstandyqtardyń 96 paıyzy – kepilsiz nesıe alǵandar. Demek, olardyń deni bankrottyq týraly zańnyń ıgiligin kóre alady. Qaryz joıylýy úshin ótelmegen soma 5 mln teńgege deıin bolýy kerek. Sondaı-aq sottan tys bankrottyq rásimin tabysy kúnkóris deńgeıine jetpeıtin azamattar paıdalana alady.
Qarjy vıe-mınıstri Erjan Birjanov boryshkerdiń múlki bolmaýy kerektigin eskertti. Kiris pen múliktiń bar-joqtyǵy elektrondy úkimet portaly arqyly aıqyndalady. Múliktiń esebin júrgizetin barlyq ýákiletti memlekettik organ derekter bazasyn biriktiredi. Osydan keıin bankter esep aıyrysý shottary boıynsha aqsha qozǵalysyn júzege asyrady. Sottan tys bankrottyqqa bank, mıkro qarjy uıymdary men kollektorlyq agenttikter aldyndaǵy qaryzdar boıynsha qoldanylýy múmkin. Ótinish boıynsha sheshimdi jarty jyl kútýge týra keledi.
«Mysaly, kelesi jyly zańnama jumys istedi delik. 2023 jyly bankrot bolyp tabylatyn bolsa, keıingi proedýraǵa 7 jyl ótken soń júginýge múmkindik bar. Bankrottyqtan keıin úsh jyl ishinde qarjylyq jaǵdaıyna monıtorıng júrgiziledi. Mundaı tájirıbe basqa Eýropa elderinde de bar. Sebebi ádeıi jasalǵan bankrottyq proedýrasyn tekserý úshin sondaı tásil qoldanylady», – dedi Qarjy vıe-mınıstri Erjan Birjanov.
