«Samuryq-Qazyna» AQ úshin qaıyrymdylyq kómek kórsetý kezinde jobalardyń júıeliligi jáne kompanııalar tobynyń kásiporyndary bar óńirlerdi qamtý mańyzdy bolyp tabylady. Mańǵystaý oblysynyń Jańaózen qalasynda áleýmettik jobalardy iske asyrýdyń negizgi baǵyty jas urpaqty qoldaý jáne olardyń úılesimdi jáne sapaly damýyna jaǵdaı jasaý.
24 qarasha kúni «Samruk-Kazyna Trust» qory qarjylandyratyn Jańaózen qalasynyń áleýmettik sala nysandaryna jergilikti BAQ pen ÚEU ókilderi, qoǵam belsendileri, óńir men «Samuryq-Qazyna» AQ ókilderi, qoǵam qaıratkerleri, Mańǵystaý oblystyq máslıhatynyń depýtattary qatysty. Týr baǵdarlamasyna sáıkes qonaqtar jańa jobalardyń qoldanystaǵy nysandary men qurylys alańdaryna bardy.
Memleket basshysy jarııalaǵan «Balalar jylynda» Qor óskeleń urpaqqa sapaly medıınalyq jáne bilim berý qyzmetterin alý úshin jaǵdaı jasaý jónindegi bastamalardy iske asyrýǵa erekshe nazar aýdarady. Basymdyq berilgen jobalardyń biri – Jańaózen qalasynyń úsh jalpy bilim beretin mektebin jańa partalar jıyntyǵymen jáne ınteraktıvti taqtalarmen jabdyqtaý. Kópshilik jınalǵan shara barysynda №22 mekteptiń dırektory Záýre Qusaıynova kabınetterge ekskýrsııa ótkizdi, onda oqýshylar jańa ergonomıkalyq partalarda otyryp bilimderin shyńdaýda, al muǵalimder zamanaýı ınteraktıvti taqtalardy qoldana otyryp taqyryptardy tereń túsindirdi. Jobanyń jalpy bıýdjeti 169 mln teńgeni qurady.
«Interaktıvti taqtalar qyrkúıek aıynda ornatyldy. Jańa tehnologııalar bizge pándi tereńirek zertteýge jáne oqý materıalyn meńgerýge kómektesedi. Tapsyrmalardy oryndaý kezinde bizge syzbalardy syzý jáne onlaın qyzmetter arqyly geografııalyq kartalarmen jumys isteý yńǵaıly. Slaıdtarmen jumys isteý tipti qyzyqty boldy», - dep bólisti 9 «Á» synyp oqýshysy Dılıara Izbasar.
Rahmet Ótesinov atyndaǵy dene shynyqtyrý-saýyqtyrý kesheninde erekshe balalarǵa arnalǵan eki áleýmettik nysan el nazaryna usynyldy – onyń biri «Balaqaı» ońaltý ortalyǵy, al ekinshisi «Salamatty bolashaq» beıimdeý sport sekııalary. «Samuryq-Qazyna» AQ kompanııalar tobynyń atynan bólingen 40 mln teńge mólsherindegi qarjylyq kómek sal jáne neıro-ortopedııalyq aýrýlary bar 600 balaǵa arnalǵan ońaltý ortalyǵynyń medıınalyq jabdyqtaryna qarastyryldy. Munda erekshe qajettilikteri bar balalar «Teń múmkindikter álemi» qoǵamdyq qory uıymdastyrǵan júzý jáne bochcha sekııalarymen aınalysady. Bul jobanyń quny 6,5 mln teńgeni qurady.
Erekshe balalardyń ata-analary úshin óńirlerde osyndaı ortalyqtardyń ashylýy úlken kómek. Bala dertine em izdep jol júrýge aqsha men ýaqyt jumsamaı, balany úıde damytýǵa jáne emdeýge múmkindik berý – bul otbasylar úshin eń mańyzdy nárse.
«Nemeremniń densaýlyǵynda eki aılyǵynan bastap álsizdik biline bastady, keıin biz densaýlyǵyna qatysty taldaý jumystaryn júrgizgen edik, nátıjeleri oń bolyp shyǵyp - damýynyń keshigýi anyqtaldy. Qazir «Balaqaı» ońaltý ortalyǵynda úshinshi kýrstan ótip jatyrmyz. Búginde Nurtilektiń densaýlyǵy jaqsara bastady, otyrýdy úırendi, endi júrýge talpynys jasap júr! Men ortalyq ujymyna jáne «Samuryq-Qazyna» qorynyń jasap jatqan eńbegine alǵys aıtamyn. Sizderge tek órkendeý men sáttilik tileımin!» - dep oıymen bólisti Álııa Ergepova.
Baspasóz týrynyń josparyna sáıkes kelesi nysany dene shynyqtyrý-saýyqtyrý kesheni boldy, onda olımpıadalyq rezervtegi oqýshylar men jasóspirimder sport mektebi erkin kúres, karate, gımnastıka jáne t.b. sport sekııalarymen aınalysady. Sport kesheni «Samuryq-Qazyna» AQ kompanııalar tobynyń qarjylyq qoldaýymen salyndy, onyń quny – 228,3 mln teńge. Qurylymǵa oıyn sportyna arnalǵan ámbebap sport alańy, kúres alańy jáne eki jolaqty júgirý joly kiredi.
Baspasóz týry sońynda qatysýshylar Jańaózen qalasy men Jetibaı aýylyndaǵy «Sport alańdaryn salý» jobasy boıynsha jumystary bastalǵan nysandardy aralady. Joba aıasynda jalpy somasy 1 mıllıard teńgeden astam 400-den 1200 sharshy metr aralyǵynda 21 sport alańy salynady. 2023 jyldyń 2 toqsanynyń sońyna deıin Jańaózen qalasynda 16 alań, Jetibaı aýylynda 5 alań qoldanysqa beriledi.
«Samuryq-Qazyna» kompanııalarynyń toby Jańaózen qalasynda kóptegen áleýmettik máselelerdi sheshýde qoldaý kórsetip keledi. Mysaly, «Jarylqaý» jobasy aıasynda mektepterdi jıhazben jáne jabdyqtarmen jaraqtandyrý, ońaltý ortalyǵyn, beıimdelgish sport sekııalaryn ashý jáne basqa da nysandar. Bul qalanyń damýyna jáne balalarymyzdyń bolashaǵyna baǵa jetpes úlken úles. Bizdiń búgingi yntymaqtastyǵymyz turaqty jáne tabysty bolady dep úmittenemiz!» - dep atap ótti Mańǵystaý oblysy máslıhatynyń depýtaty Juldyz Muhambetqalıqyzy.
«Samruk-Kazyna Trust» qory «Samuryq-Qazyna» AQ kompanııalar toby atynan qaıyrymdylyq jobalaryn iske asyrady jáne birinshi kezekte halyq úshin áleýmettik mańyzy bar máselelerdi sheshýge nazar aýdarady jáne Mańǵystaý oblysynda bar úkimettik emes uıymdar men portfeldik kompanııalardyń bastamalaryn qoldaýǵa daıyn. Bıyl ǵana óńirden 1,8 mlrd teńge somaǵa 8 joba maquldandy.
«Samuryq-Qazyna» AQ kompanııalar tobynyń qarjylaı qoldaýynyń arqasynda Mańǵystaý oblysynda 4,2 mıllıard teńgege 42 áleýmettik joba iske asyryldy.
