QR Prezıdenttigine kandıdat Qaraqat Ábdenniń saılaýaldy shtabynda el óńirlerindegi úgit-nasıhat jumystarynyń nátıjeleri talqylandy, dep jazady "Adyrna" ulttyq portaly.
Shtabta málimdegendeı, úgit-nasıhat jumystary belsendi júrgizilýde.
«Búgingi jıynda saılaýaldy jumystarynyń nátıjeleri boıynsha esep berildi. Qaraqat Ábden elimizdiń 8 oblysynda 30-dan astam kezdesý ótkizdi. Saılaýshylar tarapynan kóptegen saýaldar men usynystar kelip túsýde. Óńirlik shtabtar olardyń barlyǵyn baqylaýǵa alǵan. Jalpy, saılaý – bul demokratııalyq qoǵamnyń kórinisi jáne saılaýaldy shtabtaryna úlken jaýapkershilik júktelgen. Sondyqtan saılaý men úgit-nasıhat júrgizý boıynsha biz ozyq halyqaralyq tájirıbeni saralaı kele, jumystyń aýqymyn keńeıtip jatyrmyz. Biz úshin kandıdattyń myqty saıası tustaryn kórsete bilý mańyzdy. Bul óz aldyna úılesimdi ujymdyq jumysty talap etedi. Sondyqtan saılaýaldy shtabtarymyzda óz isin jaqsy biletin mamandar, patrıotttar men múddesi ortaq tulǵalar eńbek etýde. Bizdi biriktiretin ortaq maqsat – el ıgiligi úshin jumys isteý», - dep jetkizdi kandıdattyń baspasóz hatshysy Elaman Tólepbergen.
Eske salsaq, elimizde 20 qarasha kúni kezekten tys prezıdent saılaýy ótedi. Aldaǵy ýaqytta Q.Ábden Túrkistan jáne Jambyl oblystarynyń saılaýshylarymen kezdesý ótkizedi.
"Adyrna" ulttyq portaly
