Shoıgý Reseı áskerine Dnepr ózeniniń shyǵysyna qaraı sheginýge buıryq berdi

2302
Adyrna.kz Telegram
Foto: RF Qorǵanys mınıstrligi
Foto: RF Qorǵanys mınıstrligi

Reseı qorǵanys mınıstri Sergeı Shoıgý Reseı áskerlerine Dnepr ózeniniń shyǵysyna qaraı sheginýge buıryq berdi. Bul týraly Reseı kúshteriniń birikken tobynyń qolbasshysy Sergeı Sýrovıkın NVO aımaǵyndaǵy jaǵdaı týraly baıandama jasaǵannan keıin málimdedi, dep habarlaıdy “Adyrna” ulttyq portaly.

«Áskerlerdi shyǵarýdan bastańyz jáne jeke quramdy, qarý-jaraq pen tehnıkany Dnepr ózeni arqyly qaýipsiz ótkizýdi qamtamasyz etý úshin barlyq sharalardy qabyldańyz», - dep buıyrdy Shoıgý.

Sondaı-aq, ol  reseılik áskerı qyzmetkerlerdiń ómiri men densaýlyǵy árqashan basymdyq ekenin atap ótti.

Eske salaıyq, mamyr aıynda «Edınaıa Rossııa» bas keńesiniń hatshysy Andreı Týrchak Reseı Ýkraınanyń Herson qalasynda máńgi qalady dep málimdegen edi. Onyń aıtýynsha, ótkenge qaıta oralýǵa bolmaıdy. Alaıda araǵa 6 aı salyp, Reseı áskeri Hersonnan sheginýde.

Pikirler