Almatyda 3 mlrd teńgege salynǵan №202 mektep-gımnazııasynyń qabyrǵasy qulaǵaly tur. Bul týraly «Ádildik joly» Respýblıkalyq qoǵamdyq birlestiginiń atqarýshy dırektory Dıdar Smaǵulov jazdy, dep habarlaıdy «Adyrna» tilshisi.
«Bul mektep 2021 jyldyń qańtar aıynda tapsyryldy. Salý úshin bıýdjetten 3 014 896 820 teńge tólengen. Qazir ekinshi oqý jyly ótip jatyr, biraq jaǵdaı qaýipti! Ǵımaratty boılaı kerege ekige aıyryla bastaǵan. Keı jerlerinde kerege tipti 10 sm deıin qaqyrap ketken. Mektep shyn máninde qulap jatyr»,—dedi ol.
Dıdar Smaǵulov quqyqtyq salada ádildikke qol jetkizýge tyrysqandaryn atap ótti.
«Saraptamaǵa aqsha tólep, smetalyq baǵadaǵy sáıkessizdikter 100 000 000 teńgeden asatynyn dáleldedik. Endi arnaıy organdar saraptama jasap, apatty jaǵdaıdyń bar-joǵyn qadaǵalaıdy»,—dep túıindedi dırektor.
