Belgili aktrısa Darıǵa Badyqova men onyń joldasy jol apatyna ushyrady. Bul týraly óner ıesiniń ózi aıtty, dep habarlaıdy «Adyrna» tilshisi.
Oqys oqıǵa Saryaǵash aýdanynyń tusynda bolǵan.
«Biraz adamdar aıtyp jatady, ıá? "Otbasyń, bala-shaǵań, ol seniń jeke ómiriń, kórsetpe, kóz ótedi, sóz ótedi". Ol sóz beker emes qoı, ıá? Otbasymdy kórsetpeýshi edim. "Álde oınaǵan róli ómirde qaıtalandy ma? Múshel jas pa?" degen oı mazalady. Árıne, bári — jaratýshynyń isi. Dese de, kóp jerde ózimizdi saqtandyra almaı jatamyz ba? Kúni keshe Saryaǵashqa is-sharaǵa bardyq. "Óz kóligimizdi Shymkenttegi qonaqúıdiń aldyna qoıyp, demalyp baraıyqshy" dep basqa kólikpen bardyq. Toı keremet ótip jatty. Joldasym eldiń arasynda attyń basyn jiberip bıledi. 22:30-da Shymkentke jolǵa shyqtyq. Joldasym aldynda otyrdy. Uıyqtamaı-aq kele jatqanbyz, Saryaǵashqa kelgende júrgizýshimiz qarsy baǵytqa shyǵyp ketti. Jan daýsym shyqty. “Úlgermeısiń kir ishke, kir”,— dedim. "Úlgeremin" degen oıy boldy-aý, úlgermeı eki mashına qarama-qarsy soǵysty. Qarama-qarsy kele jatqan mashınany kórý sumdyq eken. Daýsymdy shyǵarmaı "óldim, boldy" dedim. Mashınanyń dóńgeleginiń ushyp jatqanyn kózimmen kórdim»,—dedi ol.
Aktrısa birden aýrýhanaǵa jetkizilgenderin atap ótti.
«Jedel járdem tez keldi, aýrýhanaǵa apardy. Darhandy birinshi jiberdik, bizge qaraǵanda jaǵdaıy aýyr boldy. Áınek kirgen shekesin shyńǵyrtyp turyp tikti. Qolyn rentgenge túsirdi, qolynyń jaǵdaıy óte aýyr mort ketken operaııa dedi. "Gıps salyp beremiz, Almatydan jasańyzdar" dedi. Túnde qalaǵa keldik, jol boıy qoly shydatpady. Birden aýrýhanaǵa keldik, travmatologtar shoshyp "operaııaǵa daıyndaımyz" dep jatqyzyp tastady. Meniń betim syryldy, shyntaǵyma zaqym keldi»,—dep sózin tolyqtyrdy Darıǵa Badyqova.
