Baqytgúl Hamenovanyń isine qatysty sot otyrysy keıinge qaldy. Buǵan onyń advokatynyń sot otyrysyna qatysa almaıtyny sebep boldy. Bul týraly QazAqparat habarlady, dep jazady "Adyrna" ulttyq portaly.
Búgin, 27 qazanda Atyraý oblysy ákiminiń burynǵy orynbasary Baqytgúl Hamenovanyń isine qatysty kezekti sot otyrysy ótýi tıis edi. Alaıda otyrys ótken joq. Buǵan Baqytgúl Hamenovanyń advokaty Igor Vranchevtiń densaýlyǵyna baılanysty sot otyrysyna kelmeı qalýy sebep boldy. Advokat sýdıaǵa sot otyrysyn kelesi aptaǵa aýystyrý týraly jazbasha ótinish túsirgen.
Aıta ketsek, oblystyq sottyń baspasóz qyzmetiniń aqparatyna súıensek, bıylǵy 26 mamyrda Atyraý qalasynyń №2 sotyna Qylmystyq kodekstiń 366-baby 3-bóligi 2-tarmaǵymen Atyraý oblysy ákiminiń orynbasary Baqytgúl Hamenovaǵa, Atyraý oblysy Mádenıet, tilderdi damytý jáne arhıv isi basqarmasynyń basshysy Aqylbek Rysqalıevke QR Qylmystyq kodeksiniń 367-baby 2-bóligimen «B» JShS dırektoryna qatysty qylmystyq is tústi.
"Adyrna" ulttyq portaly
