Bızdıŋ elde osy tūtynuşy qūqy degen bar ma? Memlekettık tıldıŋ oryndaluy degen zaŋdylyq bar ma?
Arasynda jeksenbıde bır uaqyt balalardy är türlı oiyn alaŋdaryna aparamyn. Är joly qyzymnyŋ äke nege būlar qazaqşa söilemeidı, bız ǧana söileimız ǧoi qazaqşa degen sözı batady.
Tıptı eşqandai jarnamasy, eşqandai qaǧazdary, balalardy qauıpten saqtandyru eskertpelerı qazaq tılınde, memlekettık tılde bolmaidy. Bärı orysşa!
Al bızde prezident auzynan orys tılın qorǧaityn halyqaralyq ūiym qūru turaly bastama aitylady. Sonda memlekettık tıldı kım qorǧaidy? Qazaq tılı kımge kerek? Būl elde memlekettık tıl qandai tıl? Ony nege el syilamaidy? Biznes syilamaidy? Tılderdı damytu degen basqarmasy bar, olardyŋ qūzıretı ne sonda? Resmi tūtynuşy retınde qazaq tılınde memlekettık tılde resmi qyzmet körsetuden bas tartsa, menıŋ qūqymdy kım qorǧaidy?
Balalar bızdıŋ bolaşaǧamyz. Olardyŋ ortasyn da orys tılınde qūrsaq, eskertudı orysşa ǧana jazsaq sonda bızde qazaq tıldı bolaşaq ösıp şyǧa ma? Bızdıŋ elde özı qazaq tılınıŋ, qazaq ūltynyŋ qūqy men qaqy bar ma? Sözı joǧalǧan halyqtyŋ özı de joǧalady, - deidı ūlt ūstazy Ahmet Baitūrsynūly. Özı bız joǧalyp bara jatqan joqpyz ba?
Astana qalasy "Arujan" sauda oiyn-sauyq ortalyǧynyŋ balalar oiyn alaŋdarynan qazaqşa synyq söz tappadym. Qazaqşa paraqşa toltyram degen jerge balam qanşa kırgısı kelse de, toltyrsaŋ orysşa bolmasa joq degesın kıre almadyq. Bız özı qai baǧytqa ketıp baramyz? Qandai elmız? Elde zaŋ barma? Memleket qūruşy ūlt qaqysy bar ma?
"Adyrna" ūlttyq portaly
