Bizdiń elde osy tutynýshy quqy degen bar ma? Memlekettik tildiń oryndalýy degen zańdylyq bar ma?
Arasynda jeksenbide bir ýaqyt balalardy ár túrli oıyn alańdaryna aparamyn. Ár joly qyzymnyń áke nege bular qazaqsha sóılemeıdi, biz ǵana sóıleımiz ǵoı qazaqsha degen sózi batady.
Tipti eshqandaı jarnamasy, eshqandaı qaǵazdary, balalardy qaýipten saqtandyrý eskertpeleri qazaq tilinde, memlekettik tilde bolmaıdy. Bári oryssha!
Al bizde prezıdent aýzynan orys tilin qorǵaıtyn halyqaralyq uıym qurý týraly bastama aıtylady. Sonda memlekettik tildi kim qorǵaıdy? Qazaq tili kimge kerek? Bul elde memlekettik til qandaı til? Ony nege el syılamaıdy? Bıznes syılamaıdy? Tilderdi damytý degen basqarmasy bar, olardyń quzireti ne sonda? Resmı tutynýshy retinde qazaq tilinde memlekettik tilde resmı qyzmet kórsetýden bas tartsa, meniń quqymdy kim qorǵaıdy?
Balalar bizdiń bolashaǵamyz. Olardyń ortasyn da orys tilinde qursaq, eskertýdi oryssha ǵana jazsaq sonda bizde qazaq tildi bolashaq ósip shyǵa ma? Bizdiń elde ózi qazaq tiliniń, qazaq ultynyń quqy men qaqy bar ma? Sózi joǵalǵan halyqtyń ózi de joǵalady, - deıdi ult ustazy Ahmet Baıtursynuly. Ózi biz joǵalyp bara jatqan joqpyz ba?
Astana qalasy "Arýjan" saýda oıyn-saýyq ortalyǵynyń balalar oıyn alańdarynan qazaqsha synyq sóz tappadym. Qazaqsha paraqsha toltyram degen jerge balam qansha kirgisi kelse de, toltyrsań oryssha bolmasa joq degesin kire almadyq. Biz ózi qaı baǵytqa ketip baramyz? Qandaı elmiz? Elde zań barma? Memleket qurýshy ult qaqysy bar ma?
"Adyrna" ulttyq portaly
