Qyrküiektıŋ soŋynda Bekmyrza İgenberdinovtı "Almatyelektrotrans" JŞS bas direktory qyzmetınen bosatyp, ekı aiǧa qamauǧa aldy. Äleumettık jelıdegı aqparatqa säikes, İgenberdinovtı Almatyda 160 myŋ dollar para alyp jatqan jerınde "Antikor" qyzmetkerlerı ūstady. Būl turaly Zakon.kz habarlady, dep jazady "Adyrna" ūlttyq portaly.
Almaty qalasy boiynşa Sybailas jemqorlyqqa qarsy küres departamentınde (Sybailas jemqorlyqqa qarsy qyzmet) redaksiia tılşısı İgenberdinovtyŋ para alu faktısın rastap, ony ne üşın alǧanyn da aityp berdı.
Almaty qalasy boiynşa Sybailas jemqorlyqqa qarsy qyzmet atqarylǧan jūmystar aktılerıne qol qoiu jäne olar boiynşa tölemderdı ıske asyru üşın 160 myŋ AQŞ dollary kölemınde para alu faktısı boiynşa "Almatyelektrotrans" JŞS basşysyna qatysty sotqa deiıngı tergep-tekseru jürgızıp jatyr, – delıngen resmi saualǧa bergen jauapta.Almaty "Antikory" 28 qyrküiekte Bekmyrza İgenberdinov ūstalyp, Almaty qalalyq polisiia departamentınıŋ uaqytşa ūstau izoliatoryna qamalǧanyn naqtylady. Basqa aqparat, departamentte atap ötılgendei, jariia etuge jatpaidy.
"Adyrna" ūlttyq portaly
