Aınadaı jarqyraıdy sýy jaınap,
Tasqa sý shaǵylysyp jalt-jult oınap.
Kól sýy baldan tátti, qardan sýyq,
Shymyrlap, kóbiktenip, burq-burq qaınap.
Jigi joq eki shoqy órgen tastan,
Aıtýǵa da bolady jaqyn aspan.
Júrginshi ushpa bulttar túlep qonyp,
Sekildi qonaq úıde basyn qosqan.
Aınala jasyl shalǵan, kókshil quraq,
Ný aǵash qalyń bitken, syrtyn orap.
Kúzetken osylardy jasaqshydaı,
Qısaıyp jatyr kólbep arsha sulap.
Imanjan JYLQAIDARULY 1886
Baba taýym – Baq taýym. Óleńder.
Qurast.: T. Búkirov, Q. Qurmanseıit.
