Pýtın jańa terrıtorııalardy qosyp alý týraly jarlyqqa qol qoıdy. Qolda bar jerlerin ıgere almaı jatqanda, jańa terrıtorııalar oǵan múldem kerek emes ekeni túsinikti.
Ol jaǵdaıdy odan saıyn shıelenistirý úshin osylaı istedi. Ókinishke qaraı, ol bul áreket adamdarǵa, jalpy álemge qalaı áser etetinine qaramastan, sońyna deıin barýǵa sheshim qabyldady. Bul aqyldy saıasatkerdiń sheshimi emes, aýrý adamnyń áreketi.
Álem ıadrolyq soǵysqa bir qadam jaqyndaı tústi. Adamzat kimniń qolynda bolsa da, eshqashan ıadrolyq qarýǵa senýge bolmaıtynyn muny bastan ótkizip baryp qana túsinýge májbúr bolatyn sııaqty. Biz qolyna granata ustaǵan maımyl sııaqtymyz.
Abaısyzda tartpasyn tartyp qalyp, óz ózimizdi jaryp jiberýimiz erte me kesh pe túbi bolatyn nárse. Nemese bul týraly teatrda eger birinshi aktta qabyrǵada qarý ilinip tursa, úshinshi aktta ol mindetti túrde atylady dep aıtady.
Eger ıadrolyq soqqyǵa qatysty eń nashar senarıı bola qalsa, eshkim tasada qalyp qoımaıdy. Úshinshi dúnıejúzilik soǵys bolady. Pýtın osylaısha búkil álemdi óz erejesimen oınatýǵa májbúrleýge tyrysady.
Alaıda shantajǵa moıynsuný eshqashan jaqsy nársege alyp kelgen joq jáne búkil álem ony jaqsy biledi. Sondyqtan da, ázirge jaǵdaı odan saıyn ýshyǵyp barady.
"Adyrna" ulttyq portaly
