«Kórispeýleri múmkin»: Aǵaıyndylardyń qoshtasýy jurttyń júregin eljiretti (VIDEO)

3792
Adyrna.kz Telegram

Eki aǵaıyndynyń bir-birimen qoshtasqan beınejazbasy jurttyń júregin eljiretti. Ony Gúldarııa Dandına esimdi jeli qoldanýshysy júktedi, dep habarlaıdy «Adyrna» tilshisi.

«Ápkesi men inisi. Bireýi 90 jasta, al endi bireýi 87-de. Áje Reseıde, ata Qazaqstanda turady. Olar jaqyn ýaqytta kóriskenshe dep bir-birimen qoshtasyp jatyr. Qarttar kózderine jas aldy, sebebi eshqashan jolyqpaýlary múmkin»,— delingen vıdeonyń sıpattamasynda.

Bul kórinis kópshilikti beı-jaı qaldyrmady.

«Men de jylap otyrmyn», «Ǵumyr jastary uzaq bolsyn», «Jaqyndarymyzdyń amandyǵyn tileımin»,–dep túrli pikir qaldyrdy jeli qoldanýshylary.

Ókinishke qaraı, halyqtyń júregin jaýlaǵan ata Ǵalymjan Raısov beınejazba júktelgennen keıin birneshe kún ótken soń qaıtys boldy. Qaraly habardy onyń nemeresi jetkizdi.

«Atam úshin duǵa oqyńyzdarshy»,—dedi ol.

<

Pikirler