Búgin Shotlandııanyń Glazgo qalasynda Devıs kýbogynyń toptyq básekesi bastalyp, Qazaqstan quramasy Nıderlandy quramasymen kezdesedi.
D tobynda atalǵan eki komandadan bólek AQSh jáne Ulybrıtanııa quramalary oınaıdy.
Qazaqstan – Nıderlandy matchynda alǵashqy bolyp komandalardyń ekinshi raketkalary Mıhaıl Kýkýshkın (221 ATR) men Tallon Grıkspýr (48 ATR) kortqa shyǵady. Qos tennısshi buryn kezdespegen.
Pleı-off kezeńine úzdik eki komanda joldama alady. Ekinshi oıynda Aleksandr Býblık (44 ATR) pen Botık van de Zandshýlp (35 ATR) myqtyny anyqtaıdy. Qos oıynshy alǵash ret kortta jolyǵady.
Úshinshi oıynda, juptyq kezdesýde el namysyn Andreı Golýbev pen Aleksandr Nedovesov qorǵaıdy. Qazaqstan juby Matve Mıddelkop – Ýeslı Kolhofpen upaı úshin talasady.
Match elorda ýaqytymen saǵat 21.00-de bastalady.
