"Tıl kespek joq" Instagram paraqşasy jürgızgen saualnamalaryna studentterden jauap aldy. Saualnamaǧa 170 student jauap berdı. Olardyŋ 97-sı jatyn oryn tappaǧanyn aitqan, dep mälımdeidı "Adyrna".
Köşede qalǧan studentter metroda, kompiuter klubynda tünegenın aituda.
Al keibır oqyrman köşede oryndyqta, vokzalda, jertölede qonǧan studentterdı körgenın jazdy.
Jatyn oryn tapqan studentterdıŋ özı jalǧa alǧan päter qymbat ekenın nemese berılgen jataqhananyŋ jaǧdaiy naşar ekenın aitady.
"Kvartira köbıne er balalarǧa bermeidı, barlyǧy derlık qyz balalarǧa jäne otbasylarǧa beremız deidı. Ekı bölmelı kvartiralar 200 000 tg bolady jäne qasyna 50 - 200 myŋ arasyna depozit sūraidy. Ondai somany qalaǧa jaŋa kelgen studentterdıŋ qaltasy älbette kötermeidı" deidı redaksiiamyzǧa pıkır bıldırgen Tūran universitetınıŋ studentı Merhat Nazimov.Onymen qosa ol qojaiyndardyŋ köpşılıgı aldyn ala aqşa sūrap, jarty aqşasyn jıber deitınderın aitty. Päterdı jetken soŋ körsetemın, qazır qalanyŋ şetındemın dep aldap soǧatyndardyŋ baryn da türte kettı.
