Qasym-Jomart Toqaev qazaqstandyqtardy Konstıtýııa kúnimen quttyqtady, dep jazady "Adyrna" ulttyq portaly Aqorda saıtyna silteme jasap.
"Qurmetti otandastar! Sizderdi Qazaqstan Konstıtýııasy kúnimen quttyqtaımyn! Bıyl bul meıram aıryqsha saıası mánge ıe bolyp otyr. Ata zańǵa ózgerister engizý jónindegi jalpyulttyq referendýmnyń nátıjesi halqymyzdyń birligin jáne elimizdi jan-jaqty jańǵyrtýǵa baǵyttalǵan aýqymdy reformalardyń barynsha qoldaý tapqanyn kórsetti. Biz zań ústemdigi, ádildik jáne jalpyǵa birdeı múmkindik qaǵıdattaryn ustanyp, Jańa Qazaqstandy qurýǵa kiristik. Elimizdiń árbir jaýapty azamatynyń reformalardy iske asyrýǵa belsene qatysyp, memleketimizdiń damýyna úles qosatyn kezi keldi. Konstıtýııada belgilengen demokratııa qundylyqtary, azamattardyń quqyqtary men bostandyqtarynyń kepildikteri Qazaqstan Respýblıkasy damýynyń naqty strategııalyq baǵdaryn aıqyndaıdy. Qolǵa alynyp jatqan ózgeristerdiń basty mindeti – halyqtyń ál-aýqatyn arttyrý, memlekettiligimizdi meılinshe nyǵaıtý jáne qoǵamdy úılesimdi damytý. Bul mindetterdi oryndaýǵa elimizdiń árbir azamaty atsalysýy qajet, qadirli otandastar! Barshańyzǵa shyn júrekten zor densaýlyq, baq-bereke tileımin! Otanymyzdyń ıgiligi jolyndaǵy barlyq maqsatqa jete berińizder!",- dedi Qasym-Jomart Toqaev.
"Adyrna" ulttyq portaly
