Almaty oblysynyń polıııasy velosıpedtegi zeınetkerdi qaǵyp ketken júrgizýshini ustady, dep habarlaıdy «Adyrna» tilshisi Polisia.kz-ke silteme jasap.
21 tamyzda saǵat 19:36 shamasynda Jambyl aýdandyq PB-ǵa Taran aýylyna kire beriste belgisiz kólik velosıpedshini basyp, oqıǵa ornynan qashyp ketkeni týraly habarlama kelip tústi. Jol apaty saldarynan 81 jastaǵy er adam Jambyl aýdanynyń ortalyq aýdandyq aýrýhanasyna jetkizildi. Keıin áleýmettik jelilerde jol-kólik oqıǵasy bolǵan jerden kadrlar tarady.
Izdestirý is-sharalary barysynda polıııa qyzmetkerleri ZAZ Chance avtokóligin basqarǵan Qarasaı aýdanynyń 61 jastaǵy turǵynyn anyqtady.
Quqyq buzýshyǵa qatysty QR ÁQBtK-niń 610-babynyń 2-bóligi (Kólik quraldary júrgizýshileriniń jol júrisi qaǵıdalaryn adamdardyń densaýlyǵyna zııan keltirýge, kólik quraldarynyń nemese ózge de múliktiń búlinýine alyp kelgen buzýshylyǵy), 611-babynyń 2-bóligi (JKO ornyn qaldyrý) jáne 608-babynyń 3-bóligi (Júrgizýshiniń kólik quralyn alkogoldik, esirtkilik jáne (nemese) ýytqumarlyq masań kúıde basqarýy, sol sııaqty kólik quralyn alkogoldik, esirtkilik jáne (nemese) ýytqumarlyq masań kúıdegi adamnyń basqarýyna berý) boıynsha ákimshilik is qozǵaldy.
Qazirgi ýaqytta ustalǵan azamat qamaýǵa alyndy. Avtokólik aıyp turaǵyna qoıyldy.
Beınejazbany qaraý úshin siltemeni basyńyz.
