Ýkraınadaǵy Zaporoje atom-elektr stanııasy qaýiptiń aldynda tur. Ýkraına prezıdenti Vladımır Zelenskııdiń aıtýynsha, Reseı áskerı komandovanıesi Eýropadaǵy eń iri – Zaporoje atom-elektr stanııasyn istep shyǵarýdy josparlap otyr. Bul týraly «Ýkraınskaıa pravda» basylymy jarııalady, dep habarlaıdy “Adyrna” ulttyq portaly.
Muny Reseı Federaııasy Qarýly kúshteri radıaııalyq, hımııalyq jáne bıologııalyq qorǵanys áskerleriniń bastyǵy, general-leıtenant Igor Kırıllov «RIA Novostı» agenttininiń tilshisine bergen suhbatynda da aıtty.
Ýkraınadaǵy atom stanııasyn atqylaýǵa baılanysty áńgimeler jalǵasa beretin bolsa, besinshi jáne altynshy energııalyq bloktardy «salqyn rezervke» qaraı shyǵaryp jiberý máselesin qarastyrýymyz múmkin. Bul Zaporoje AES-niń jumysyn toqtatyp tastaıdy, – dedi ol.
Reseı Zaporoje atom-elektr stanııasyn soǵystyń alǵashqy kezeńinde basyp alyp, onyń terrıtorııasyna áskerı tehnıkalary men oq-dárilerin saqtap kele jatyr.
Buǵan deıin Reseı 19 tamyzda stanııada «Kıev rejımine qarsy keń aýqymdy arandatýshylyq» bolýy múmkin ekenin málimdegen edi.
17 tamyzda BUU-nyń Bas hatshysy Antonıý Gýterrısh Lvovqa kelip, Zelenskıımen kezdesti. Ol munda AES jaıyn talqylady. Odan keıin Túrkııa prezıdenti Rejep Taıyp Erdoǵan da Ýkraına basshymen osy másele boıynsha áńgime qozǵady.
”Adyrna” ulttyq portaly
