Aldyńǵy joly jazǵanymdaı, shamalaýymsha 2019-dyń basynan bolý kerek, kásibı jalaqorlardyń nysanasyna aınala bastadym. Bastapqyda, jazbalary qateden kóz tunatyn, óńsheń saýatsyz ári aýzyna ne kelse sony aıtatyn adamdar tasadan turyp tas ata bastaǵanda “solardy qoıshy, esi durys adam osyndaıǵa sene me?” dep kóńil bólmegenmin.
Keıinnen bular toptasyp, kádimgideı qara kúshke aınala bastady. Artynan biriniń tirsegin biri shaınap, ózara qyrqysyp baryp joıyldy bilem, qazir qarasy kórinbeıdi. Biraq, áleýmettik jeli, sonyń ishinde ıýtýbta qusyp tastaǵan vıdeolary kúni búginge deıin bar. Anda-sanda aýyldyq jerlerge bara qalǵanda, el-jurt: «Sol vıdeoda siz týraly búı dedi, ne aıtasyz?»,– dep suraıtyn kezderi de bolady.
Iaǵnı, bulardy biz elep-eskermegenimizben, qarapaıym aýyl turǵyndary tarapynan bundaı sapasyz dúnıelerge de suranys bar degen sóz!
Onyń ústine qazir elge tanymal tulǵalar, keıbir saıasatker dep júrgen aǵalarymyzda qazaqtildi ortada osy tásildi qoldanatyn boldy. “Anaý satqyn, anaýda satqyn, jalǵyz men ǵana kúresker” degen qyp-qyzyl popýlızm olardyń kúndelikti rıtorıkasyna aınaldy.
Sebep? Sebep bireý! Qazaqtildi orta kúshke, kúsh bolǵanda da óte úlken kúshke aınaldy! Al ol ortaǵa ótetin áńgime joǵaryda aıtylǵandaı “japtym jala, jaqtym kúıe” dep oılaıdy olar.
Budan shyǵatyn qorytyndy mynadaı: jalaqorlar men báleqorlarǵa zań júzinde tosqaýyl qoıyp úırenýimiz kerek. Qalaı, qaıtip? Ony kúni erteń bastalatyn sot proesinen kóre alasyzdar.
Nege biz ózimiz kúresýimiz kerek, memleket nege shara qoldanbaıdy dersiz. Sebebi jala jabý men qorlaý tek jeke adamǵa baǵyttalady. Eger sol adam meniń ar-namysyma tıdi dep ózi quqyq qorǵaý organdary men sotqa aryzdanbasa, onda memleket óz bastamasymen bul proeske aralasa almaıdy. Al endi jaı qyzyq úshin kórem deýshiler popkorndaryńdy daıyndap qoıyńdar, bul bir emes, birneshe serııaǵa sozylady dep oılaımyn.
Sýrette: 2019-da maǵan qarsy bastalǵan kıbershabýyldan bir kórinis. Qatesine, montajdalǵan fotoma nazar aýdarmańyz, aıqaılap turǵan taqyrypty aıtsańyzshy, taqyrypty! Qyzyǵyp, kórgisi kep ketkenderge, pikir jazatyn jerge vıdeosyn da saldym. Aıtqandaı búgin-erteń elge tanymal bir saıasatker aǵamyz oıbaılap bastaıdy.
