Mektepke jol akııasy: 1-synyp oqýshysyna 10-synyp oqýshysynyń formasyn bergen

2574
Adyrna.kz Telegram

Atyraýda kópbalaly otbasynan shyqqan balaǵa birneshe ese úlken mektep formasy berildi. Kıimniń keńdigi sonsha, ony qysqartyp tigip berý úshin tiginshi 30 myń teńge suraǵan. Bul týraly "Adyrna" ulttyq portaly Aq Jaıyq basylymyna silteme jasap habarlaıdy.

Oqý jylynyń bastalýyna nebári jarty aı qalǵanda kópbalaly analar balalaryn mektepke qalaı daıyndaımyn dep mazasy ketip júr. Venera Nurmoldıdanyń alty balasynyń ekeýi mektepke barady. Oqýshylardyń kerek-jaraǵyn jınap berý ońaı emes, sebebi byltyrǵy jylmen salystyrǵanda kıim de, aıaq kıim de birneshe ese qymbattap ketken. Sondyqtan ol úkimettiń kómegin alý úshin qajetti qujat jınaǵan.

«Maǵan byltyrdan qalǵan kıim bar dedi. Men eń bolmasa tiginshige aparyp, qysqartamyn degen oımen aldym. Sóıtsem ol tym úlken boldy - kıimdi qaıta tigip berýge 30 myń teńge surady. Birinshi synyp oqýshysyna 10 synyptyń balasy kıetin kıim bergeni masqara ǵoı», - deıdi Venera.

Ol shaǵymyn aıtyp ákimdikke barǵan. Bilim berý basqarmasy basshysynyń mindetin atqarýshy Aınagúl Dúısekenova onyń máselesi oqý jyly bastalǵansha sheshiledi dep ýáde berdi.

«Bul otbasyǵa kıimdi baıqaýdy utyp alǵan merdiger mekeme qyzmetkerleri bergen. Qazir jaǵdaıdy anyqtap jatyrmyz. Aldaǵy ýaqytta mundaı másele týyndamaıdy. Bul ata-ana ótken jylǵy qajetti ólshemi qalmaǵan mektep formasyn alǵandyqtan boldy. Formasyn aýystyryp beremiz, - deıdi A.Dúısekenova.

Onyń aıtýynsha, buryn az qamtylǵan otbasylardyń balalaryna daıyn mektep formasy taratylǵan, zańdaǵy sońǵy ózgeriske sáıkes ol kómek endi aqshalaı berilmek. Úkimet aqshalaı kómektiń mólsherin bir balaǵa 37 myń teńgeden bekitti. Bıyl bul kómekti oblystaǵy 9645 oqýshy alady. Ata-ana alǵan kıimniń qujatyn, ıaǵnı chekti bilim berý uıymdaryna tapsyrýǵa mindetti.

Oblystyq bilim berý basqarmasynyń baspasóz qyzmeti bul jaǵdaıǵa qatysty bylaısha túsinikteme berdi:

«Jańa oqý jyly qarsańynda №21 orta mekteptiń eki oqýshysynyń anasy Venera Nurmoldına «Mektepke jol» akııasy aıasynda eki ulyna mektep formasyn bólýge ótinish berdi. Osy mekteptiń áleýmettik pedagogy tıisti ólshemdegi kıim úlgisiniń bolmaýyna baılanysty materıaldyq kómekti kúte turýdy surady. Alaıda, Venera Nurmoldına mektep formasynyń ólshemi dál kelmese de alyp kete alamyz dep qolhat jazyp bergen. Bilim bólimine №21 orta mektep dırektorynan «Mektepke jol» qaıyrymdylyq akııasy boıynsha ata-analarǵa túsindirý jumystary júrgizilip jatqany týraly habarlama tústi».

Bıliktegiler mektep formasynyń máselesin túbegeıli sheshý úshin kómekke qaıyrymdylyq qorlary men kásipkerlerdi de tartpaq, dep qosymsha habarlady oblystyq bilim berý basqarmasy.

"Adyrna" ulttyq portaly 

Pikirler