Saıasatker, kóp jyldan beri qazaqqa eńbek sińirgen bir týar tulǵa Baltash Tursymbaev dúnıeden ozdy, dep habarlaıdy “Adyrna” ulttyq portaly.
Qaraly habardy facebook áleýmettik jelisinde Baltash aǵamyzdyń janashyr jandary jazbamen jetkizdi.
Baltash Moldabaıuly Tursymbaev (24 qazan 1946 jyly týǵan, Omby oblysy Kishi Borankól aýylynda dúnıege kelgen.
Esterińizge sala ketsek, Baltash Tursymbaevtyń sońǵy bergen suhbaty “Dat” gazetine basylyp shyqqan edi. “Jańa Qazaqstan” qurýdaǵy basty mindet pen jumysty atap, biraz nárseniń basyn qaıyrǵan edi.
“Birinshi kezekte prezıdent «Ádiletti Qazaqstan» qurýy kerek, jańasy – sodan keıin ózdiginen qalyptasady. Eń aldymen, astanadan Nursultannyń atyn qurtý kerek! Astananyń ataýy qaıtadan «Aqmola» bola ma, «Alashorda» bola ma, joq álde basqa bir ataý qoıyla ma – áıteýir ózgeristi osydan bastaý kerek. Odan keıin árbir oblys ortalyǵyndaǵy Táýelsizdik kóshelerin ıelengen «Nursultan Nazarbaev» ataýyn joıý qajet. Mundaı qadam halyqqa úlken sıgnal beredi, prezıdent Toqaevtyń saıasaty tóńiregine toptasý proesi jańasha ekpin alady”,- dedi marqum Baltash Tursymbaev.
”Adyrna” ujymy Baltash aǵamyzdyń otbasyna qaıǵyryp kóńil aıtady. Imany joldas bolsyn!
“Adyrna” ulttyq portaly
