Qazaqstandyq sýǵa júzýshi Adelaıda Pchelıneva Túrkııada ótip jatqan Islam oıyndarynda altyn medal ıelendi, - “Adyrna” ulttyq portaly Vesti.kz saıtyna silteme jasap.
23 jastaǵy pavlodarlyq sportshy 50 metrge brass tásilimen júzý jarysynda top jaryp, Islam yntymaqtastyq oıyndarynyń altyn medalin jeńip, osy jarystyń rekordyn jańartty.
Adelaıda Pchelıneva - 50 metr qashyqtyqqa brass ádisimen júzý boıynsha Qazaqstan rekordynyń avtory. Ol 2018 jyly bul qashyqtyqty 31,55 sekýndta baǵyndyrdy. Buǵan deıin BAQ ony "Qazaqstan sportynyń jańa seks-sımvoly" dep ataǵan bolatyn.
Besinshi Islam yntymaqtastyq oıyndary 2022 jyly 9-19 tamyz aralyǵynda Túrkııanyń Konıa qalasynda ótedi. 24 sport boıynsha jarysqa 56 elden tórt myńnan astam sportshy qatysyp jatyr. Barlyǵy 355 medal oınatylady.
”Adyrna” ulttyq portaly
