Berdibek Saparbaev "Jelmaıa" baǵdarlamasyna bergen suhbatynda ómiriniń 45 jylyn memlekettik qyzmetke arnaǵanyn, sonyń 30 jyly bılik salasynda ótkenin aıtty. Endigi jerde ol bos ýaqytynda kitap jazýdy qolǵa alatynyn aıtty, dep habarlaıdy “Adyrna” ulttyq portaly.
"Ásirese balalarym, nemere, aǵaıyn, týysqan, dostarǵa bardym. Ár azamat ózine unaıtyn jumyspen aınalysýy kerek. Sol kezde adam toq bolady, onyń bolashaǵy bar ári baqytty bolady. Qansha jyl jumys istegende shamam kelgenshe halyqtyń seniminen shyǵyp, jaǵdaıyn jaqsartýǵa tyrystym. Ár nárseniń óz bastaýy men aıaqtalýy bolady. Odan keıin ár nárseni ýaqytynda aıaqtaý kerek, men de solaı jasadym. Eńbek etken bes óńirde jaman jumys istemegen sııaqtymyn", – dedi ol.
"Bastysy oılaý qabiletimdi toqtatpaýyn kerek, zeınetke shyqtym eken dep úıde otyryp qalýǵa bolmaıdy. Adam úıde otyryp qalsa – tez qartaıady. Buǵan deıin jınaǵan arhıvterim bar, aldaǵy ýaqytta kitap jazý oıda bar. Qaı óńirde jumys istesem de, ne istegenimdi jazyp júretin ádetim bar. Kimmen kezdestim, qaı jerge barǵanymdy kúndelik retinde jazyp júretinmin. Qazir sonyń barlyǵyn toptastyryp, qarap jazyp shyǵýym kerek. Óıtkeni artymnan qandaı da bir estelik qalý kerek", – deıdi Berdibek Saparbaev.
Berdibek Saparbaev ýnıversıtetterde dáris oqyǵysy keletinin de jasyrmady.
“Adyrna” ulttyq portaly
