«Boks onsha unamaıdy»: Danııar Eleýsinov karerasyn aıaqtaýy múmkin

2652
Adyrna.kz Telegram

Danııar Eleýsinov jyl sońyna deıin kásipqoı mansabyn aıaqtaýy múmkin, dep habarlaıdy «Adyrna» tilshisi «Habar 24»-ke silteme jasap.

«Maǵan boks onsha unamaıdy, men jeńiske jetkendi unatamyn. Promoýter kerek, jekpe-jekke shyǵýym kerek. Jyl sońyna deıin osy oılaǵanym bolmasa, onda sporttyq mansabymdy aıaqtaıtyn shyǵarmyn»,— dedi ol.

Aıta keteıik, jerlesimiz 25 shildede AQSh tórinde ýkraınalyq Ivan Golýbpen jolyǵý kerek edi. Biraq jekpe-jek keıinge qaldyryldy. Danııar eń sońǵy ret ótken jyldyń jeltoqsanynda sharshy alańǵa shyqty. Elordadaǵy jekpe-jek keshinde argentınalyq Hýan Ernan Lealdy jeńip, IBO tujyrymy boıynsha álem chempıony belbeýin ıemdendi.

30 jastaǵy Danııar Eleýsinov 2016 jyly Rıo Olımpıadasynyń chempıony atanǵan. Áýesqoı boksta 2013 jyly álem chempıony, 2013 jáne 2015 jyldary Azııa chempıony bolǵan.

Pikirler