AQŞ prezidentı Donald Tramp Venesuelanyŋ AQŞ qūramyna 51-ştat retınde qosyluy mümkın ekenın aitty. Būl turaly The Hill basylymy jazdy, dep habarlaidy «Adyrna» tılşısı.
Memleket basşysy būl turaly 27 qazanda Tehas ştatyndaǧy Korpus-Kristi qalasynda jaqtastarynyŋ aldynda söilegen sözınde mälımdegen.
«Mümkın, bır künı, tıptı jaqyn arada, Venesuela güldengen 51-ştatqa ainalar. Būl äbden mümkın. Solai jasaiyq. Venesuelany 51-ştatqa ainaldyraiyq», – dedı Donald Tramp.
Sondai-aq ol elde prezidenttıŋ ornyna gubernator sailauǧa bolatynyn boljady. AQŞ basşysy būl mälımdemelerın ekı el arasyndaǧy mūnai salasyndaǧy yntymaqtastyqtyŋ keŋeiuımen bailanystyrdy. Onyŋ aituynşa, Venesuela AQŞ-qa 1 million barrel mūnai jöneltken. Al qol jetkızılgen uaǧdalastyqtar investisiiany odan ärı arttyru men mūnai öndırudı damytuǧa baǧyttalǧan.
Basylymnyŋ jazuynşa, Tramp būǧan deiın de Venesuelanyŋ AQŞ qūramyna qosyluy mümkın ekenı turaly pıkır bıldırgen. Alaida eldıŋ uaqytşa prezidentı Delsi Rodriges būl ūsynysty qabyldamai, Venesuela özınıŋ egemendıgı men täuelsızdıgın qorǧauǧa niettı ekenın mälımdegen.
Aita keteiık, 27 qazanda Aqorda Donald Tramptyŋ Qazaqstan prezidentı Qasym-Jomart Toqaevqa joldaǧan jedelhatynyŋ mazmūnyn jariialaǧan edı. Onda AQŞ prezidentı jeltoqsan aiynda ötetın G20 sammitınde kezdesudı asyǧa kütıp jürgenın atap ötken.
