9 qyrküiekte Almatydan Londonǧa bet alǧan Air Astana äue kompaniiasynyŋ ūşaǧy Frankfurt qalasyna qonuǧa mäjbür bolǧan, dep habarlaidy «Adyrna» tılşısı.
Būl jaǧdaiǧa Londonnyŋ Hitrou äuejaiynyŋ NOTAM boiynşa jabyluy sebep bolǧan.
«Almaty – London baǧyty boiynşa KC663 reisın oryndap jatqan Airbus A321 äue kemesı Frankfurt äuejaiyna qauıpsız türde qondy. Äue kemesınıŋ bortynda 138 jolauşy boldy. Ökınışke qarai, London Hitrou äuejaiy tünnıŋ soŋyna deiın jabyq küiınde qalady, osyǧan bailanysty Air Astana ärı qaraiǧy ūşudy toqtatuǧa mäjbür. KC663 reisınıŋ ūşuy kelesı künnıŋ taŋyna saǧat 11:30-ǧa (UTC) şegerıldı»,– delıngen habarlamada.
Kompaniia mälımetınşe, 67 jolauşyda jaramdy Şengen vizasy bolmaǧandyqtan, olar Frankfurt äuejaiynyŋ tranzittık aimaǧynda qaluǧa mäjbür.
«Barlyq jolauşyǧa kütu uaqytynda tamaq pen salqyn susyndarmen qamtamasyz etıluı üşın äuejaida tamaqtanuǧa arnalǧan vaucherler berıldı. Äuekompaniianyŋ jerüstı qyzmetterı men ökılderı qalaǧa şyǧuǧa qūqyǧy bar jolauşylardy qonaqüimen qamtamasyz etu, sondai-aq kütpegen kıdırıs jaǧdaiynda qajettı tamaqpen, susyndarmen jäne qoldau körsetu üşın täulık boiy jūmys ısteude»,– dep tolyqtyrdy Air Astana.
