Almatyda jedel järdem därıgerlerı tūrǧyn üi keşenınıŋ aulasynda äieldı bosandyryp aldy, dep habarlaidy «Adyrna» tılşısı.
Oqiǧa 27 mausymda Şūǧyla yqşamaudanyndaǧy «Ūlytau» tūrǧyn üi keşenınde bolǧan. Tūrǧyndardyŋ aituynşa, jedel järdem kölıgı aulanyŋ kölıkterge tolyp ketuıne bailanysty şaqyrtu ornyna bırden jete almaǧan. Sonyŋ saldarynan medisina qyzmetkerlerı bosanudy jedel järdem zembılınde qabyldaǧan. Nätijesınde ömırge qyz bala kelgen.
Almaty qalasynyŋ Qoǧamdyq densaulyq saqtau basqarmasynyŋ mälımetınşe, şaqyrtu saǧat 06:21-de tüsken, al brigada oqiǧa ornyna 06:31-de jetken.
«Salmaǧy 3 370 gramm qyz bala jedel järdem brigadasynyŋ zembılınde düniege keldı. Kürdelı jaǧdaiǧa qaramastan, därıgerler ana men närestege qajet medisinalyq kömektı körsettı. Keiın olardy qalalyq perinataldyq ortalyqqa jetkızıp, em-domdy jalǧastyrdy»,-delıngen habarlamada.
Qazırgı uaqytta ana men närestenıŋ jaǧdaiy tūraqty.
Tūrǧyndardyŋ aituynşa, arnaiy qyzmet kölıkterı būl aumaqqa kırıp-şyǧuda jiı qiyndyqtarǧa tap bolady. Aulalarda avtotūraq oryndary jetkılıksız, öitkenı qūrylys saluşy olardy qajettı mölşerde qarastyrmaǧan. Sonymen qatar audanda tūrǧyn üi qūrylysy da qarqyndy türde jalǧasyp jatyr.
Tūrǧyndar bilıktıŋ nazaryn avtotūraq mäselesıne audaryp, jedel järdem, ört söndıru qyzmetı jäne basqa da şūǧyl qyzmetterdıŋ kedergısız jüruıne jaǧdai jasalady dep ümıttenedı.
