Astanadaǧy LRT jelısınde jolauşylardyŋ qauıpsızdık erejelerın būzu fakılerı tırkeldı, dep habarlaidy “Adyrna” ūlttyq portaly.
Būl turaly City Transportation Systems (CTS) kompaniiasy habarlady.
Kompaniia mälımetınşe, jolauşylar eş sebepsız platformadaǧy şūǧyl tejeu batyrmasyn basyp, poiyz ışındegı platformalyq esıkterdı apatty jaǧdaida aşu jüiesın ıske qosqan. Sondai-aq vagon esıkterın öz betınşe aşuǧa tyrysyp, jabyluyna kedergı keltırgen jaǧdailar da bolǧan. Oqiǧa 17 mamyr tırkelgen. Al LRT 16 mamyr künı ǧana qoldanysqa berılgen.
CTS ökılderınıŋ aituynşa, LRT jüiesı tolyqtai avtomattandyrylǧan. Sondyqtan mūndai äreketterdıŋ barlyǧy qauıpsızdıkke töngen yqtimal qauıp retınde qabyldanyp, poiyzdardyŋ toqtauyna jäne dispetcherlık ortalyq tarapynan qosymşa tekserıster jürgızıluıne sebep bolady.
Kompaniia LRT jelısınıŋ joǧary kerneumen jūmys ısteitının eske saldy. Är poiyz ışınde arnaiy operator bar. Qajet bolǧan jaǧdaida ol elektr quatyn ajyratqannan keiın esıkterdı özı aşady.
CTS jolauşylardy LRT paidalanu erejelerın saqtauǧa şaqyrdy. Barlyq zaŋbūzuşylyqtar beketter men vagondardaǧy beinebaqylau kameralary arqyly anyqtalady.
Sonymen qatar kompaniia anyqtalǧan qūqyqbūzuşylyqtar boiynşa materialdar qūqyq qorǧau organdaryna joldanatynyn mälımdedı. Sebebı mūndai äreketter jolauşylarǧa qauıp töndırıp, LRT jelısınıŋ tūraqty jūmysyna kerı äser etedı.
