Memleket basşysy Qasym-Jomart Toqaev pen Chehiia premer-ministrı Andrei Babiş şaǧyn qūramda kelıssöz jürgızdı. Būl turaly bügın, 29 säuırde Aqordanyŋ baspasöz qyzmetı jazdy, dep habarlaidy «Adyrna» tılşısı.
Qasym-Jomart Toqaev Andrei Babişke ıltipat bıldırıp, Qazaqstan jūrtşylyǧy ony Cheh Respublikasynda ǧana emes, Europaǧa belgılı saiasi qairatker retınde jaqsy bıletının jetkızdı.
«Ekı el arasynda būrynnan tyǧyz ärı dostyq qarym-qatynas ornaǧan. Sauda-sattyq tabysty damuda. Qos halyqtyŋ bır bırıne qūrmetı zor. Irı halyqaralyq qūrylymdar şeŋberınde bırlese äreket etıp kelemız. Būl – öte maŋyzdy. Elşılıkterımız belsendı jūmys ıstep tūr. Oraily sättı paidalana otyryp, Özıŋızben bırge cheh käsıpkerlerınen qūralǧan ülken delegasiia alyp kelgenıŋız üşın alǧys aitamyn. Keşe Astanada biznes-forum öttı. Onyŋ nätijesı elderımızge paidaly bolady dep oilaimyn. Öz tarapymnan san qyrly yntymaqtastyǧymyzdy odan ärı damytuǧa bar küşımdı salamyn»,-dedı prezident.
Andrei Babiş qonaqjailyq tanytqany üşın Qasym-Jomart Toqaevqa rizaşylyǧyn bıldırıp, elımızdıŋ türlı salada jetken jetıstıkterıne joǧary baǧa berdı. Sondai-aq bügıngı sapar ekıjaqty qarym-qatynastyŋ jaŋa kezeŋıne jol aşatynyn aitty
«Bız Qazaqstandy strategiialyq serıktes sanaimyz. Bırlesken küş-jıgerdıŋ arqasynda ekıjaqty tauar ainalymynyŋ kölemın arttyramyz dep senemın. Eŋ aldymen, energetika salasyndaǧy yqpaldastyqty nyǧaitqymyz keledı. Sızdıŋ elden ūzaq merzımdı mūnai tasymalyna müddelımız. Energetika salasyn damytu strategiiamyz atom energiiasyna arqa süieidı. Sondyqtan Qazaqstanǧa älemdegı uran öndıretın ırı memleket retınde de qyzyǧuşylyq tanytamyz»,– dedı Chehiia premer-ministrı.
Cheh Ükımetınıŋ basşysy Qazaqstannyŋ energetikalyq qauıpsızdıgı quat öndırudıŋ ärtaraptandyrylǧan täsılıne negızdelgenıne män berdı. Sondai-aq ol cheh kompaniialarynyŋ atalǧan salada bırlesken jobalardy jüzege asyruǧa daiyn ekenın rastady.
Andrei Babiş Qasym-Jomart Toqaevty jaŋa Konstitusiia qabyldau boiynşa referendumnyŋ tabysty ötuımen qūttyqtap, būǧan memlekettılıktı nyǧaitatyn jäne eldı jarqyn bolaşaqqa jeteleitın maŋyzdy qadam retınde baǧa berdı.
