Aqmola oblysyna qarasty Sandyqtaý aýdanyndaǵy úsh birdeı aýyldyń ataýy bıyl qazaqshalanady, dep jazady "Adyrna" ulttyq portaly.
24.kz habarlaýynsha, aımaqta aldaǵy jyldary 100-den astam eldi mekenniń ataýy ózgeredi degen jospar bar.
"Krasnaıa polıana bizdiń ortalyǵymyz ári bereke-birligimizdiń nyshany bolǵandyqtan biz ony Birlik dep ataýdy jón kórdik. Al Petrıkovka – Tumar, Arbýzenka – Aqkent bop ózgeredi. Barlyǵy da halyqpen keńese otyryp tańdaldy. Bul kezinde ata-babalarymyzdy baýyryna basqan qazaq halqyna degen qurmetimiz jáne otansúıgishtigimizdiń belgisi dep bilersizder. Atalǵan úsh aýylda 1 myńnan astam halyq turady. Olardyń 99 proenti ıngýshtar men sheshender. Aýyldyqtardyń negizgi kásibi mal sharýashylyǵy. Munda 6 iri seriktestik pen 40 shaqty sharýa qojalyǵy bar. Bir sózben aıtsaq, jumyssyz júrgen adam joq. Al Birlik aýyldyq okrýgi aqsaqaldar alqasy bar oblystaǵy saýsaqpen sanarlyq eldi mekenderdiń biri. Sondyqtan munda qandaı másele bolmasyn qarııalardyń qaraýynan ótedi", - deıdi Birlik aýyldyq okrýginiń ákimi Ansar Ibaev.
"Adyrna" ulttyq portaly
