Qyrǧyz Respublikasynyŋ Ūlttyq qauıpsızdık memlekettık komitetınıŋ (ŪQMK) Bışkek qalasy boiynşa būrynǧy basşysy Eldar Jaqypbekov ūstalyp, uaqytşa ūstau izoliatoryna qamaldy. Būl turaly 24.kg basylymy jazdy, dep habarlaidy "Adyrna".
Aldyn ala mälımetterge säikes, oǧan qatysty qylmystyq ıs qozǧalǧan. Tergeudı Äskeri prokuratura jürgızıp jatyr. Qūqyq qorǧau organdaryndaǧy derekközderdıŋ aituynşa, Jaqypbekov bır täulık ışınde ūstalǧan. Alaida ıs qai bap boiynşa tırkelgenı jäne onyŋ prosestık märtebesı jönınde resmi aqparat jariialanǧan joq.
Äleumettık jelılerde Jaqypbekov ūstalǧannan keiın tüsırılgenı aitylǧan foto da tarady.
14 aqpanda elordalyq ŪQMK basqarmasynda kadrlyq özgerıs bolyp, jaŋa basşy bolyp Ūlan Bibosynov taǧaiyndalǧany belgılı boldy.
Aita keteiık, Jaqypbekovtıŋ ūstalǧany turaly aqparat alǧaş ret 10 aqpanda taraǧan. Ol kezde qūzyrly organ būl mälımettı resmi türde joqqa şyǧarǧan edı.
Sondai-aq 10 aqpanda Qyrǧyzstan prezidentı Sadyr Japarov özınıŋ serıktesı Qamşybek Täşievtı barlyq qyzmetınen bosatqan bolatyn.
