Dúnıejúzilik densaýlyq saqtaý uıymynyń bas dırektory Tedros Adhanom qazaq tilin úırenbek. Bul týraly ol Densaýlyq saqtaý mınıstrliginiń basshylyǵymen ótken kezdesýde aıtty, dep habarlaıdy «Adyrna» tilshisi.
«Buǵan deıin Qazaqstanda eki ret boldym. 2017 jyly bir ret Almatyǵa bardym. 2018 jyly dáriger Tóregeldi Sharmanovpen alǵashqy medıınalyq-sanıtarlyq kómek jónindegi konferenııada kezdestim. Osy ýaqyt aralyǵynda men qazaqtyń qudasy emes edim. Osynda meniń Dáýlet Turlyhanov esimdi qudam bar. Bul Qazaqstannyń meniń de úıim ekenin bildiredi. Jaqyn arada nemerem menimen qazaqsha sóılesetin bolady. Sondyqtan nemerem úshin qazaq tilin úırenemin»,— dedi ol.
