Qyrküiek aiynda Qaraǧandy, Qostanai oblystary men Şymkent qalasynda bastau alǧan «Kıtap oqityn ūlt» jobasynyŋ alǧaşqy kezeŋı öz märesıne jettı.
«Kıtap oqityn ūlt» jobasy – elımızde tūraqty oqu mädenietın qalyptastyruǧa baǧyttalǧan auqymdy ziiatkerlık-aǧartuşylyq bastama. Negızgı maqsaty – kıtap oqudy nasihattau, syni oilaudy damytu jäne kıtapty bılım, şabyt jäne ziiatkerlık ösudıŋ negızgı közı retınde nyǧaitu.
Joba Qazaqstan Respublikasynyŋ Prezidentı Qasym-Jomart Kemelūly Toqaevtyŋ Ūlttyq qūryltaidyŋ III otyrysynda aitylǧan tūjyrymdamasy aiasynda jüzege asyrylady jäne Qazaqstandy älemdegı eŋ köp kıtap oqityn on eldıŋ qataryna şyǧarudy közdeidı.
Bır ai kölemınde 3 aimaqtan 189 221 adam qatysuǧa ötınım berdı.
Qaraǧandy oblysy boiynşa 67 438 qatysuşy tırkelse, Qostanai oblysy boiynşa 55 281 azamat ötınım bergen. Al Şymkent qalasynan 66 502 ötınım kelıp tüstı.
Onyŋ ışınde 6-10 synyp aralyǧyndaǧy 87157 oquşy, 14 049 pedagog, 2388 jergılıktı deŋgeidegı memlekettık qyzmetşı, sonymen qatar 36 553 otbasy, 29 085 kolledj jänejoǧarǧy oqu orny studentı qatysuda.
Baiqau qatysuşylary «Kıtap oqityn mektep», «Kıtap oqityn pedagog», «Kıtap oqityn äulet», «Kıtap oqityn kolledj», «Kıtap oqityn universitet» jäne «Kıtap oqityn memlekettık qyzmetker» negızgı alty sanat boiynşa saiysqa tüspek.
Jobanyŋ ekınşı kezeŋınde tırkelgen är qatysuşy, bekıtılgen tızımdegı 15 kıtapty oquy kajet. Är baǧyt üşın sarapşylar men tiıstı salanyŋ ökılderı daiyndaǧan tızım qatysuşylardyŋ jasy men qyzyǧuşylyqtaryna beiımdelgen, şyǧarmalardy taŋdauda patriotizm, jauapkerşılık, bılımge qūştarlyq, syni oilau siiaqty qūndylyqtardy damytuǧa basa nazar audaryldy.
Būl tızımderge «Qazaqstan ädebietınıŋ 100 tanymal kıtaby» jalpyūlttyq dauys beru arqyly ırıktelgen şyǧarmalar, älemdık ädebiettıŋ üzdık tuyndylary jäne ūlttyq mädeni mūramyzdy nasihattaityn şyǧarmalar, sondai-aq älemdık deŋgeide moiyndalǧan bestsellerler endı.
Är baǧyt boiynşa erejeler men oquǧa ūsynylatyn kıtaptar tızımı www.reading-nation.kzsaitynda jariialanǧan.
Joba qatysuşysy, Qostanai oblysy №31 mektebınıŋ 10 synyp oquşysy RagimovaAnel:
- «Kıtap oqu – menıŋ ömırımnıŋ ajyramas bölıgı. Aiyna kem degende ekı-üş kıtap oqymasam, özımdı tolyq sezınbeimın. «Kıtap oqityn ūlt» jobasy siiaqty bastama bız siiaqty kıtapqūmar jastarǧa ülken mümkındık syilaidy. Aldaǧy kezeŋde baiqaudyŋ jeŋımpazy atanu üşın bar küş-jıgerımdı salamyn jäne būl jobanyŋ oqu mädenietın damytuǧa qosar ülesı zor dep esepteimın»
Joba avtory Baqytjan Tūrlybekov:
Jobany «Kıtap oqityn ūlt – Chitaiuşaia nasiia» qoǧamdyq qory «Amanat» partiiasynyŋ jäne Qaraǧandy, Qostanai oblys jäne Şymkent qalasy äkımdıkterınıŋ qoldauymen jüzege asyruda. Bas demeuşı — Alageum Electric kompaniiasy.
Baiqaudyŋ qorytyndysyn 2026 jyldyŋ säuır aiynda jariialau josparlanyp otyr.
