40-tan astam eldıŋ oquşylary qatysqan aǧylşyn tılı boiynşa halyqaralyq KGL Contest (Kangaroo Global Linguistics) olimpiadasynyŋ finaly sensasiialyq nätijemen aiaqtaldy.
Būl jarysqa alǧaş ret qatysqan Qazaqstan komandasy 1-oryndy ielendı! Altyn medal iegerı Almaty qalasyndaǧy №23 mektep-gimnaziiasynyŋ oquşysy Dariia Nasimullina boldy.
Dariia Nasimullina şet tılın meŋgerudıŋ eŋ joǧary deŋgeiı – B2 boiynşa bırınşı oryndy ielendı.
Irıkteu üş kezeŋnen tūrdy: ekı ūlttyq kezeŋnen(Stage I jäne Stage II) jäne bır halyqaralyq kezeŋnen – finaldan (Global Event). 2025 jyly final 2–4 qazan aralyǧynda Grekiianyŋ Saloniki qalasynda öttı.
Olimpiadanyŋ bırınşı kezeŋı älemnıŋ tükpır-tükpırınde 2025 jylǧy 15 aqpanda öttı. Aiazdyaua raiy men jüzdegen şaqyrymdyq qaşyqtyqqa qaramastan, ata-analar men mūǧalımderdıŋ tabandylyǧynyŋ arqasynda 2691 oquşy testıleu ötkızu üşın belgılengen oblys ortalyqtary men qalalarǧa kelıp qatysty. Bastapqy kezeŋ Qazaqstannyŋ 12 öŋırın, sonyŋ ışınde respublikalyq maŋyzy bar üş qalany qamtydy.
Barlyq üderıs qataŋ türde tırkelıp otyrdy: taratpa materialdardy aşu uaqyty, test tapsyru taimingı jäne qatysuşylardyŋ jauap paraqtaryn mörleu tärtıbı naqty baqylandy. Är öŋırge bekıtılgen supervizorlar myŋdaǧan qorytyndy faildardy sifrlandyryp, derekterdı bas keŋse platformasy arqyly uaqytyly jıberıp otyrdy. Būdan keiın KGL Contest intellektualdy jüiesı är qatysuşynyŋ jauaptaryna säikes ūpailardy avtomatty türde eseptedı.
Nätijesınde 530 oquşy bırınşı ırıkteu kezeŋınen öttı. Ekınşı turǧa ötu üşın ötu baly mümkın bolatyn eŋ joǧary ūpaidyŋ 90%-yn qūrady.
Aǧylşyn tılın bıluge arnalǧan olimpiadanyŋ ekınşı kezeŋı 2025 jyldyŋ 15 nauryzynda ötkızıldı. Ekı aiǧa sozylǧan şet tılın meŋgeru synaǧy elge Pre-A1, A1, A2, B1, B2 deŋgeilerınıŋ barlyǧy boiynşa joǧary nätijeler äkeldı.
Osy olimpiadaǧa otandyq mektepterdıŋ qatysu bastamaşysy bolǧan EDU Stream halyqaralyq tıl akademiiasy tört deŋgei boiynşa bırınşı oryn ielerın saltanatty türde qūttyqtap, balalardyŋ Grekiiada ötetın finalǧa qatysuy üşın ūşaq biletterın öz esebınen qamtamasyz ettı.
Global Event kezeŋınde qazaqstandyq oquşylardyŋ jeŋısın eşkım kütpegen edı.
EDU Stream akademiiasymen jäne ekınşı bastamaşy – Express Publishing baspasymen bırlese otyryp, Almaty qalasynyŋ Bılım basqarmasy megapolis oquşylarynyŋ olimpiadaǧa qatysuyn ūiymdastyrdy.
«Menıŋ deŋgeiım — B2 boiynşa jeŋımpazdardy jariialap jatqanda, bırınşı oryndy alamyn dep oilamadym. Üşınşı, ary ketse ekınşı oryndy ielenermın dep küttım. Al 2 jäne 3 oryn alǧan qyzdardyŋ esımderı atalǧanda, men ıştei jeŋıspen qoştasyp, köŋılım tüsıp otyrdym. Bıraq ekrannan öz atym men tegımdı bırınşı orynda körgen sätte, “būl bır qaljyŋ şyǧar” dep oiladym! Qoldarym dırıldep, sahnaǧa şyqqanda finalda jeŋıske jetkenıme şeksız quandym», – dep äserımen bölıstı aǧylşyn tılı boiynşa halyqaralyq KGL Contest-2025 olimpiadasynyŋ B2 deŋgeiı boiynşa jeŋımpazy Dariia Nasimullina.
«Men öz oquşym — Dariianyŋ jetıstıgımen qatty maqtanamyn. Ol şet tılın meŋgerudıŋ eŋ joǧary deŋgeiınde eŋ joǧary ūpai jinady. Būl — bükıl elımızdıŋ jetıstıgı! Osy sättı paidalana otyryp, barlyq ata-analar men ärıptesterıme aitarym — balalaryŋyzǧa senıŋızder, olardy qoldaŋyzdar, jürekterıne ümıt pen senım otyn jaǧaiyq! Öitkenı elımızdıŋ bolaşaǧy — aqyldy da abyroily ūrpaqtyŋ qolynda», – dedı Almaty qalasyndaǧy №23 mektep-gimnaziiasynyŋ aǧylşyn tılı pänımūǧalımı Saǧynyş Raibekova.
Qazaqstan atynan qatysqan taǧy bır almatylyq oquşy – №39 liseidıŋ şäkırtı Taŋat Tölenbai aǧylşyn tılı boiynşa B1 deŋgeiınde joǧary nätije körsetıp, qatysu sertifikatyna ie boldy.
Dariia men Taŋat, sondai-aq Astana qalasyndaǧy №82 «Daryn» liseiınıŋ oquşysy Äli Alpysbai (A2 deŋgeiı) jäne Qyzylorda qalasyndaǧy №197 orta mekteptıŋ oquşysyJasmina Baqytjan (A1 deŋgeiı) öz jetıstıkterımen şet tılderı boiynşa halyqaralyq olimpiadany ūiymdastyruşy ITA ūiymynyŋ ökılderın taŋǧaldyrdy.
B2 deŋgeiı boiynşa finalda 1-oryn alǧany üşın Dariia Nasimullina ITA ūiymy tarapynan 500 AQŞ dollary kölemınde aqşalai sertifikatpen marapattaldy. Barlyq qatysuşylar KGL Contest olimpiadasynyŋ medaldarymen, syilyqtarymen jäne sertifikattarymen marapattaldy.
«Qazaqstannan kelgen oquşylar bızdı qatty taŋǧaldyrdy, öitkenı sızderdıŋ elıŋız KGL Contest olimpiadasyna alǧaş ret qatysty. Alaida bırden finalda jeŋıske jetu — mūndai jetıstıkke älemnıŋ eşbır elı būǧan deiın qol jetkızgen emes! Bız sızderdıŋ olimpiadaǧa belsendı qatysularyŋyz dästürge ainalady dep ümıttenemız», – dedı ITA ūiymynyŋ bas direktory Maikl Karti.
KGL Contest – būl aǧylşyn tılın şet tılı retınde üirenıp jürgen 8 ben 17 jas aralyǧyndaǧy oquşylarǧa arnalǧan halyqaraly qolimpiada.
KGL olimpiadasynyŋ basty erekşelıgı – onyŋ kürdelılık deŋgeilerı Pre-A1, A1, A2, B1, B2, iaǧni CEFR (Common European Framework of Reference) halyqaralyq şkalasyna säikes keledı.
Būl baiqaudy International Testing Authority (ITA) ūiymy ūiymdastyrady jäne onyŋ maqsaty – oquşylarǧa özderınıŋ tıldık daǧdylaryn qyzyqty ärı şabyttandyratyn ortada körsetuge mümkındık beru.
Olimpiada 2017 jyly qūrylǧan jäne jylsaiyn älemnıŋ 40-tan astam elınde ötkızıledı. Būl baiqau älem oquşylarynyŋ aǧylşyn tılın meŋgeru deŋgeiın şynaiy türde körsetetın bedeldı halyqaralyq jarys bolyp tabylady.
