Kaspii teŋızı ǧylymi-zertteu institutyn odan ärı damytuǧa Ükımet rezervınen qarajat bölındı, dep habarlaidy «Adyrna» tılşısı.
«Memleket basşysynyŋ Kaspii teŋızı problemalaryn keşendı zertteu jönındegı tapsyrmalaryn jüzege asyru şeŋberınde «Qazaq Kaspii teŋızı ǧylymi-zertteu instituty» KeAQ-qa Ükımet rezervınen 305 mln teŋge bölındı. Premer-ministr Oljas Bektenov tiıstı qaulyǧa qol qoidy»,—delıngen habarlamada.
İnstitut prezident Qasym-Jomart Toqaevtyŋ tapsyrmasymen Kaspii teŋızınıŋ ekologiialyq mäselelerın zertteu maqsatynda qūryldy. Atap aitqanda, ǦZİ-dıŋ qyzmet aiasyna balyq qorynyŋ kölemın baǧalau, olardy saqtau ädısterı men tehnologiialaryn äzırleu, ihtiofaunany zertteu, itbalyqtardyŋ jappai qyrylu sebepterın anyqtau jäne olardyŋ populiasiiasyn saqtau mäselelerı kıredı.
Būdan bölek, teŋızdıŋ gidrologiialyq üderısterın zertteuge jäne onyŋ deŋgeiın baqylauǧa, klimattyŋ özgeruın jäne onyŋ ekojüiege äserın taldauǧa, sudyŋ sapasy, biologiialyq aluantürlılık jäne Kaspii teŋızınıŋ qazaqstandyq bölıgı men jaǧalauynyŋ özge de parametrlerı jönındegı derekterdı jinau men taldauǧa baǧyttalǧan.
Ükımet rezervınen bölıngen qarajat institutty odan ärı damytuǧa baǧyttalyp, gidrobiologiia jäne gidrohimiia, gidrometeorologiia, sputniktık monitoring zerthanalarynda ǧylymi-zertteu jūmystaryn uaqtyly ärı tiımdı jürgızuge, sondai-aq institutqa jüktelgen özge de mındetterdı oryndauǧa mümkındık beredı.
Aita keteiık, Kaspii teŋızı bıregei ekojüie jäne su bioresurstarynyŋ asa maŋyzdy közı, sondai-aq batys öŋırler men jalpy elımızdıŋ tūraqty damuyna ülken üles qosady.
