Biyl elımızde ūly aqyn, aǧartuşy Abai Qūnanbaiūlynyŋ tuǧanyna 180 jyl tolyp otyr. Osyǧan orai Ūlttyq statistika biurosy qairatker esımımen bailanysty qyzyqty statistikalyq derekterdı ūsyndy, dep habarlaidy «Adyrna» tılşısı.
Resmi derekterge süiensek, Qazaqstanda Abai esımdı 18 763 adam tūrady. Būl esım ielerınıŋ basym bölıgı Astana qalasy (2 089 adam), Türkıstan oblysy (2 018) jäne Almaty qalasynda (1 719) tūrady.
Abai esımdı eŋ egde jastaǧy tūrǧyn 1932 jyly düniege kelgen. Būl esım eŋ köp taralǧan jas toby – 30-34 jas aralyǧyndaǧylar, olardyŋ sany – 3 228 adam. Biylǧy bırınşı jarty jylda tuǧan 157 närestege Abai esımı berılgen.
Būl esım qyz balalarǧa da qoiylǧan, Qazaqstanda Abai esımdı 10 äiel tırkelgen. İbrahim (İbragim, İbrahim) esımdı azamattardyŋ sany elımızde 35 404 adam.
Aqynnyŋ qūrmetıne elımızde 1 oblys, 1 qala, 3 audan jäne 26 auylǧa ūly tūlǧa esımı berılgen.
