Fransiianyŋ Avinon qalasynda aǧymdaǧy jyldyŋ şılde aiynda ötken Halyqaralyq «Off Avignon» festivalı aiasynda älemdık teatr keŋıstıgınde bedelı zor «International Shakespeare Festival Craiova» ūiymdastyrǧan erekşe joba jüzege asty.
Būl bastama Uiliam Şekspir şyǧarmalarynyŋ zamanaui interpretasiiasyna arnalǧan üzdık spektaklder men teatr ūjymdaryn ırıkteudı maqsat etedı. Älemnıŋ är tükpırınen ūsynylǧan 18 teatrdyŋ arasynan ırıktelıngen ekı üzdık ūjymnyŋ bırı bolyp Almaty qalasy Memlekettık quyrşaq teatry taŋdaldy. Öner ordasy Almaty qalasy äkımdıgınıŋ qoldauymen şılde aiynyŋ 16-26 künderı aralyǧynda Uiliam Şekspirdıŋ «Romeo men Djuletta» spektaklın quyrşaq beinesınde sahnalap, körermennıŋ ystyq yqylasyna bölengen. 
1994 jyldan berı Rumyniianyŋ Kraiova qalasynda tūraqty türde ötkızılıp kele jatqan būl festival bügınde älemdık teatr sahnasyndaǧy eŋ bedeldı ärı jaŋaşyl mädeni jobalardyŋ bırı sanalady. Jyl saiyn auqymy keŋeiıp, öner süier qauymnyŋ yqylasyna bölenıp kele jatqan festival 2024 jyly 70 türlı lokasiiada 380 spektakl ūsynyp, 200 myŋnan astam körermendı qamtyǧan bolatyn. Osyndai joǧary talaptar men ırıkteu kezeŋınen ötıp, älem sahnasynda öner körsetu mümkındıgıne ie bolu – Almaty qalasynyŋ Memlekettık quyrşaq teatry üşın ülken märtebe, ūlttyq mädenietımız üşın airyqşa jetıstık.
«Bız “Romeo men Djuletta” spektaklın tamaşalap şyqtyq. Qatty serpılıs aldyq. Būl bır erekşe ǧajaiyp spektakl boldy. Avinondaǧy festivaldıŋ üzdık tuyndylarynyŋ bırı dep aita alamyn. Közıme jas alǧan sätter de boldy. Joǧarǧy deŋgeide sahnalanǧan, rejissurasy da, akterlık oiyny da keremet spektakl. Bızge osyndai tuyndyny köruge mümkındık bergenderıŋız üşın alǧys bıldıremız!» – dep atap öttı «International Shakespeare Festival Craiova» festivalınıŋ ūiymdastyruşysy Andrei Stefaneskiu. 
2026 jyly rejisser Dina Jūmabaidyŋ «Romeo men Djuletta» spektaklı qazaq tılınde älemdık sahnaǧa jol tartyp, jaŋa biıkke köterıledı. Şekspir mūrasyn jaŋa közqaraspen talqylaityn, türlı mädenietterdı bailanystyratyn halyqaralyq dialog alaŋyna ainalǧan Rumyniiadaǧy būl festival – Almaty qalasynyŋ Memlekettık quyrşaq teatry üşın Fransiiadaǧy «Off Avignon» jobasynyŋ tabysty nätijesı boldy.
Teatr älemındegı üzdık şyǧarmaşylyq ūjymdarmen bailanys ornatu, käsıbi täjıribe almasu, bolaşaqta bırlesken jobalardy jüzege asyruǧa mümkındık beru syndy köptegen maŋyzdy maqsattardy jüzege asyrǧan «Off Avignon» festivalı – Almaty qalasy Memlekettık quyrşaq teatrynyŋ Fransiia, Angliia, Germaniia, İtaliia syndy eldermen mädeni bailanysyn keŋeitıp, şyǧarmaşylyq kökjiegın jaŋa deŋgeige kötergen maŋyzdy köpırge ainaldy.
