Mashına aldyna “Qutqaryńyzshy!” dep júgire jónelgen 22 jastaǵy qyzdy qutqaryp qalǵan jigitten jýrnalıst Gúlmıra Ábiqaı suhbat alypty. Bul týraly ol óz facebook paraqshasynda jarııalady.
Qyzdy óte bir úlken qorqynyshtan aman alyp qalǵan R esimdi azamat ınjener-qurylysshy mamany eken.
Ózin batyr sanamaıtyn azamat, “kómektesý, qutqarý” kez-kelgen adamnyń mindeti sanaıdy.
“Árıne, eń aldymen artynan óksheleı qýyp kele jatqan jigitterden qorǵaýym kerek dedim. Basqa oı mende bolǵan joq. Qaıdan shyqty? Ne boldy eken dep anyqtap toqtaǵansha ekinshi jigit júgirdi. Qaltamda ruqsat etilgen qarýymdy aspanǵa attym. Sonda ǵana qyz qýýshylardyń beti qaıtqandaı boldy. 102-ge habar berdim. 5 mınýttyń ishinde 4 patrýl kóligi keldi. Polıııa qyzdy óz kólikterine mingizip, alyp ketti”, – deıdi azamat.
“Atyn suramadym. Taksı ustap turǵanda eki jigit kelip, “bizben birge júr, jetkizip tastaıyq” degen. Óz jolynan basqa jaqqa burylǵanyn kórip, aıqaılap qarsylyq tanytqanyn aıtty. Alaıda, taksı júrgizýshisi aıqaılap jylap jatqanyma qaramastan meni kúshtep túsirip ketedi. Jigitter sol mańdaǵy múrdege qaraı súıregen. Osy sátte meniń kóligimniń jaryǵyn baıqaǵan boıjetken bar kúshimen ytqyp shyǵyp aldymnan júgiripti. Qorqynyshy basylǵan soń sózi durystaldy, mastyǵyn baıqamadym”, – dep jalǵady ol.
“Menińshe, qınalǵan jandy kórgen ár adam kómek beredi dep oılaımyn, bul jáı adamgershilik qoı. Men jáne ózim tanıtyn dostarym, jaqyndarym bolsa dál men sııaqty kómekteser edi. Ózim sol mańda turamyn, kóshem qylmystan aýlaq bolsa eken deımin”, – dep túıindedi batyr jigit.
”Adyrna” ulttyq portaly
