Almaty oblysynda shaǵyn jáne orta bıznes salasynda 96,7 myń sýbekt jumys isteıdi jáne ótken jylmen salystyrǵanda olardyń sany 15,4 myńǵa ósti.
Qazirgi kezde Almaty oblysynda ShOB salasynda Jumyspen qamtylǵandar sany 191,6 myń adamǵa jetip otyr. Qýantarlyǵy, aımaqtaǵy shaǵyn jáne orta bıznes sýbektilerinen qazynaǵa túsetin salyp ótken jymen salystyrǵanda 1,5 esege artqan. Nátıjesinde, alty aıdyń qorytyndysy boıynsha ShOb sýbektilerinen bıýdjetke kelip túsken túsim 130,6 mlrd.teńgeni quraǵan.
Almaty oblysynda kásipkerlikti damytýǵa qashanda basymdylyq beriledi. Bul úrdis bıylda jalǵasyn taýyp otyr. Aǵymdaǵy jyly óńirde kásipkerlikti qoldaýǵa 12,7 mlrd.teńge bólindi, onyń ishinde «Bıznestiń jol kartasy – 2025» sheńberinde - 8,7 mlrd. teńge, birinshi jartyjyldyqta 3,7 mlrd. teńgege 151 joba maquldandy.
Sonymen qatar, kásipkerlikti damytý ulttyq jobasy aıasynda halyqtyń áleýmettik osal toptarynan shyqqan azamattarǵa jáne jas kásipkerlerge granttar berý úshin 1,0 mlrd.teńge bólindi, onyń ishinde 122,5 mln. teńge ıgerilip, 100 grant berildi.
Aldaǵy tańda «Bastaý Bıznes» jobasy boıynsha aımaqtaǵy 1660 adamdy kásipkerlik negizderine oqytý josparlanýda.
Aýyl halqynyń ómir súrý sapasyn jaqsartýda jolǵa qoıylǵan. Jospardy júzege asyrý úshing aýyl halqyna shaǵyn nesıe berýge 1,8 mlrd. teńge kóleminde kózdelgen.
Ókinishke oraı, «Bıznestiń jol kartasy» baǵdarlamasy Balqash aýdanynda kenjelep tur. Bul aımaqta jyl basynan beri jyl basynan beri irde-bir joba iske asyrylmaǵan. Tek Raıymbek aýdany men Qonaev qalasynda eki jobadan qoldaý kórsetilgen.
