Oqu-aǧartu ministrı Ashat Aimaǧambetov biylǧy halyqaralyq pän olimpiadalarynyŋ aralyq qorytyndysyn öz facebook paraqşasynda jariialady.
«Bügıngı künge deiın oquşylarymyz 5 pännen 21 medal jeŋıp aldy. Ūlttyq qūrama qorjynynda 3 altyn, 13 kümıs jäne 5 qola medal bar. Iаǧni 23 qatysuşynyŋ 21-ı jüldelı orynǧa ie boldy. Būl jerde eŋ bedeldı halyqaralyq olimpiadalar turaly aityp otyrmyz. Biyl tūŋǧyş ret Prezidenttıŋ qoldauynyŋ arqasynda oquşylarymyz 4,5 mln teŋgege deiın qomaqty aqşalai syiaqy alyp, ŪBT tapsyrmai-aq JOO-ǧa grantqa tüsu mümkındıgıne ie bolady. Matematikadan halyqaralyq olimpiadada (IMO) Qazaqstan qūramasy 3 kümıs jäne 3 qola jüldenı jeŋıp aldy. Komandamyz 174 ūpai jinap, elımızdıŋ olimpiadaǧa qatysu tarihyndaǧy jaŋa rekordyn ornatty. Komandalyq esepte elımız 17-orynda, al būl – 12 jyldaǧy üzdık körsetkış. Fizikadan halyqaralyq olimpiadada oquşylarymyz 1 altyn, 4 kümıs medal ielendı. Būl – soŋǧy 8 jyldaǧy eŋ jaqsy körsetkış. Byltyr komandanyŋ qorjynyna 5 kümıs tüsken bolatyn. Geografiiadan halyqaralyq olimpiadada oquşylarymyz ekınşı jyl qatarynan altyn medal jeŋıp aldy. Biyl da 1 qola medalǧa ie boldyq», – dep jazady ministrı Facebook paraqşasynda.
“Adyrna” ūlttyq portaly
