16 şılde künı Ystyqkölde Būlan-Sogotu (Komsomol) auylynda jeŋıl atletikadan qazaqstandyq jattyqtyruşy Mūrat Jüzgenbaevty kölık qaqqany belgılı boldy, dep habarlaidy “Adyrna” ūlttyq portaly.
Oqiǧa kuägerlerınıŋ aituynşa, er adam jügıru kezınde tärbielenuşısınıŋ janynda velosipedpen ılesıp jürgen. Qyz bala aman qaldy.
Ystyqköl oblystyq IIB baspasöz qyzmetı jol apaty taŋǧy saǧat 7:40 şamasynda bolǧanyn habarlady. Kezekşı bölımge Būlan-Sogotu jäne Bosteri auyldary arasynda jol apaty bolǧany turaly telefon habarlamasy kelıp tüstı.
"Oqiǧa ornyna şyqqan jedel tergeu toby Bışkektıŋ 41 jastaǧy tūrǧyny mıngen Lexus-330 avtokölıgı Balyqchy-Ananevo-Karaköl avtojolynyŋ 97-şı şaqyrymynda Grigorevka auylynyŋ 40 jastaǧy tūrǧyny rölde otyrǧan "Nissan - Mikra " avtokölıgımen büiırden soqtyǧysqanyn anyqtady. Odan keiın jol jiegınde kele jatqan 58 jastaǧy qazaqstandyq velosipedşı Mūrat Jüzgenbaevty qaǧyp ketken. Jol apatynyŋ saldarynan Qazaqstan azamaty oqiǧa ornynda köz jūmdy", - dep habarlady aimaq polisiiasy.
Barlyq jinalǧan materialdar qūqyqtyq baǧa beru üşın tergeu qyzmetıne jıberıldı. Jürgızuşılerdıŋ ışımdık ışken-ışpegenın anyqtau üşın tiıstı saraptamalar jürgızıledı.
Aita keteiık, Mūrat Jüzgenbaev Almaty oblysynda jeŋıl atletikadan aǧa jattyqtyruşy boldy. 2012 jyly ol jeŋıl atletika federasiiasynyŋ üzdık ondyǧyna kırdı.
”Adyrna” ūlttyq portaly
Ūqsas jaŋalyqtar
