ŪQK Nazarbaevtyŋ jekemenşık kontorasyna ainalyp ketken. Būl turaly memleket jäne qoǧam qairatkerı, eks-deputat Serık Äbdırahmanov «... Sūrauy bar» iutub arnasyna bergen sūhbatynda aitty, dep habarlaidy «Adyrna» tılşısı.
«Qaŋtardan berı, mıne, jarty jyl öttı. Şyndyq pen kınälılerdıŋ aty atalǧan joq. Al qamauǧa kımder alyndy? Negızgı aiypkerler emes, oryndauşylar. Ūlttyq qauıpsızdık komitetı degen Nazarbaevtyŋ jekemenşık kontorasyna ainalyp ketken dünie. Sol sebepten özın tartu kerek edı. Tarta almai otyr. Qaralyp jatyr ol aiyptylar. Seneiık! Qazır qoǧamnyŋ köŋılı sybailas jemqorlyqqa auyp kettı. Anany da, mynany da ūstap jatyr. Anau bır maŋqa general Erǧojinnıŋ (Däulet Erǧojin 2 aqpanda qamauǧa alynǧan. Ūlttyq qauıpsızdık komitetı töraǧasynyŋ būrynǧy orynbasary Red.) özınen 3 mlrd dollar tabylypty. Qatardaǧy, saptaǧy 10-20-şy tūrǧan ūry jüiesınıŋ ökılı», - deidı ol.Osy tūsta jürgızuşı Erbol Seiılhan Erǧojinge qatysty mälımettı spikerden qaidan bılgenın sūraǧan edı.
«Tergeu oryndary aqyryn taratyp jatyr. Senımdı adamdarym bar. Eger şynaiy sybailas jemqorlyqpen küres bastalsa, bızdıŋ biudjet dollardyŋ astynda qaluy kerek. Profisit üstıne profisit, aqşany qaida jūmsaimyz degen eŋ basty problema şyǧar edı. Ondai joq. Qanışerlerdıŋ aty atalǧan joq. Demek, barlyǧy aqyryn «tormozben» ketıp bara jatyr. Būl Toqaev üşın öte qauıptı jaǧdai», - deidı Serık Äbdırahmanov.Sūhbattyŋ tolyq nūsqasy tömendegı sıltemede: https://www.youtube.com/channel/UCGYWERxPNXjSo4OpmgHbErQ
