Memleket basshysy Qasym-Jomart Toqaev Úkimet otyrysynda óńirlik daǵdarystyń uzaqqa sozylyp bara jatqanyn atap ótti, dep habarlaıdy «Adyrna» tilshisi.
«Halyqaralyq ınstıtýttar álemdik ekonomıka qarqyny báseńdeıdi degen boljam aıtýda. Soǵan sáıkes ınflıaııa jappaı ósýi múmkin. Óńirlik daǵdarystyń uzaqqa sozylyp bara jatqanyn baıqap otyrmyz. Tipti, bul ahýal jahandyq toqyraýǵa ushyratady degen qaýip bar.
Osyndaı jaǵdaıda Úkimettiń jáne Ulttyq Banktiń negizgi mindeti – ınflıaııany turaqtandyryp, azamattardyń tabysyn arttyrý bolýǵa tıis. Sondaı-aq, jańa jumys oryndaryn ashý qajet»,– dedi ol.
Prezıdent eń aldymen ınflıaııany turaqtandyrý kerektigin aıtyp, Úkimet jumysyn synǵa aldy.
«Qazir ınflıaııanyń sharyqtap ketýi eń kúrdeli másele bolyp otyr. Baǵanyń ósýine azyq-túlik ınflıaııasy áser etti. Onyń deńgeıi 19,2 paıyzǵa jetti. Jalpy, azyq-túliktiń keıbir túri birden 80 paıyzǵa qymbattady.
Úkimettiń baǵany turaqtandyrýǵa baǵyttalǵan sharalary tıimsiz bolyp shyqty. Úkimet ınflıaııany eski ádis-tásilmen toqtatqysy keledi. Onyń ózinde bıýdjetten qosymsha qarajat bólip, baǵany jasandy túrde ǵana rettep otyr. Iaǵnı, qymbatshylyqtyń sebebimen emes, saldarymen kúres júrip jatyr.
Al, shyn máninde, kerisinshe bolýy kerek. Úkimet bar jaýapkershilikti óńirlerge artyp qoıdy. Olar ákimshilik resýrsty paıdalanyp, dúkenderdi aralap júr, basqa tásilder jáne jańa ıdeıalar joq. Mundaı jumys eshqashan tıimdi bolǵan emes. Bir sózben aıtqanda, naryq zańdylyǵyna saı keletin jańa ustanym joq»,– dep túıindedi Toqaev.
