Soltústik Qazaqstanda ógeı ulyn qutqarmaq bolǵan er adam men onyń 6 jasar balasy sýǵa batyp ketti, dep habarlaıdy «Adyrna» tilshisi.
Qaıǵyly oqıǵa 10 shildede bolǵan.
Oblystyq TJD baspasóz qyzmetiniń málimdeýinshe, Novonıkolskoe aýylynan 3 shaqyrym jerde turǵyndar Esil ózenine batyp ketken jigittiń jansyz denesin sýdan shyǵardy.
«1998 jyly týǵan er adam 6 jasar ógeı ulyn qutqarmaq bolǵan. Olar sýǵa túsýge tyıym salynǵan jerde shomylǵan. Qutqarýshylar balanyń denesin kelesi kúni tapty»,– dep túsindirdi vedomstvo.
