“Jas Otan” jastar qanatynyń ataýy “Jastar Rýhy” dep ózgertildi. Bul týraly "AMANAT" partııasy jastar qanatynyń kezekten tys VI Sezinde belgili boldy, dep jazady “Adyrna” ulttyq portaly.
EÝRO-2022-niń úzdik shabýylshysy atanǵan «Qaırat» fýtzal klýbynyń shabýylshysy Birjan Orazov partııanyń jastar qanatynyń ataýyn ózgertýdi usyndy.
«Jańa Qazaqstandy óz Otanyn súıetin, bilimdi, parasatty, daryndy, rýhty jastar quratyny sózsiz. Sondyqtan búgingi delegattarǵa partııanyń jastar qanatynyń ataýyn «Jastar Rýhy» dep ózgertsek degen usynysym bar», – dedi Birjan Orazov.
Bul sheshimdi is-sharanyń barlyq qatysýshylary qoldady. Endi "AMANAT" partııasynyń jastar qanaty “Jastar Rýhy” dep atalady.
"Adyrna" ulttyq portaly
