Ashhabadtaǵy aýrýhanalarda aptap ystyqtan zardap shekkenderge oryn bosatý úshin emi bitýge taıaý qalǵan naýqastardan emdi úıde aıaqtaýdy suraýda, dep habarlaıdy «Hronıka Túrkimenstan» basylymy.
28-29 maýsymda eks-prezıdent, túrikmenniń mańdaıyna Qudaı bergen Arkadagy Gýrbangýly Berdimuhamedovtyń mereıtoıyna baılanysty buqaralyq is-sharalarǵa qatysqan júzdegen stýdentter, memlekettik mekeme qyzmetkerleri, ártister men mýzykanttar apatap ystyqtan aýrýhanadan biraq shyqqan. Olardyń jaǵdaıy orta jáne aýyr dep aıtylýda.
Bezmeın aýdanynda jáne Ashhabad mańyndaǵy Aq kıiz úıde (28 jáne 29-ynda sheteldik juldyzdardyń qatysýymen konertter bolǵan jerler) ystyqtan qulaǵan jurtty tasýǵa jedel járdem kólikteri úlgermegen.
Bul kúnderi aýa temperatýrasy 47 gradýs, keıbir óńirlerde tipti 48,5 gradýsqa deıin kóterilgenine qaramastan, bılik elordada da, aımaqtarda da jappaı sharalardy toqtatpaǵan. Álemdik BAQ Túrkimenstannyń osy dańǵazalyǵyna tańdaı qaǵyp, bas shaıqap jatyr.
Qazaqstanda da kún kúıip tur. Altynshy shildege de 3-4 kún qaldy. Áıteýir Nazarbaevtyń týǵan kúnin toılaýǵa Aqorda tyıym salǵany qandaı jaqsy boldy. Áıtpese, "balapanyndaı baptaǵan", "Nuh paıǵambardaı halqyna jaqsylyq jasaǵan", "qazaq tarıhyndaǵy 128 han-sultan jasamaǵan isti bir ózi jasaǵan", "shekaramyzdy bekitip", "memleketti ózi qurǵan" Nazarbaevtyń týǵan kúni dep myna aptap ystyqta biz de shetimizden talyp jatar ma edik?
