Memleket basshysy Jetisý oblysynyń ákimin qabyldady

641
kaz.nur.kz
kaz.nur.kz

Qasym-Jomart Toqaevqa Jetisý oblysynyń qazirgi áleýmettik-ekonomıkalyq jaǵdaıy men damý perspektıvalary týraly baıandaldy, dep habarlaıdy "Adyrna" ulttyq portaly www.24.kz saıtyna silteme jasap.

Beıbit Isabaevtyń aıtýynsha, aýyl sharýashylyǵy men óńdeý sektoryn damytýǵa basa mán beriledi. Sondaı-aq óńdeý ónerkásibi, mıneraldy shıkizatty óndirý jáne óńdeý salasynda quny 730,3 mıllıard teńge bolatyn 24 jobany júzege asyrý josparlanyp otyr. Osy rette 3440 jumys orny ashylady.

Oblys ákimi Prezıdentke óńir ekonomıkasyn damytý úshin týrızm salasynyń mol áleýeti bar ekenin aıtty. Búginde Alakól kóliniń jaǵalaýyndaǵy ınfraqurylymdardy damytýǵa, Balqash kóli baǵytyndaǵy jol qurylysyna qatysty jumystar júrgizilip jatyr.  Prezıdent oblys turǵyndarynyń ál-aýqatyn arttyrý mańyzdy ekenine nazar aýdardy. Osyǵan baılanysty Memleket basshysy óńirdegi sýarmaly alqaptardy ulǵaıtýǵa baǵyttalǵan ırrıgaııa júıelerin jańartý, qoljetimdi baspana qurylysynyń kólemin arttyrý, joldardy jóndeý, oblystaǵy eldi mekenderdi gazben qamtý, ónerkásipti, shaǵyn jáne orta bıznesti damytý, pedagogtar men dárigerlerdiń tapshylyǵyn joıý sııaqty birqatar ózekti máseleni sheshý qajet ekenin aıtty.

Kezdesý sońynda Qasym-Jomart Toqaev Beıbit Isabaevqa azamattardyń túıtkildi problemalaryn sheshý jáne Jetisý oblysyn áleýmettik-ekonomıkalyq turǵydan odan ári damytý úshin tıimdi sharalar qabyldaýdy tapsyrdy.

Pikirler
Redakııa tańdaýy