Premer-ministr orynbasary Eraly Toǧjanov «Äleumettık jelıde Maŋǧystau öŋırınde jūmys mäselesı kürdelı, künde aiqai tolastar emes. Jūmysyzdar sany köp. Maŋǧystauda 5 myŋ jūmys közı aşylady dep aitylǧanyna qaramastan bırde bır jūmys orny aşylǧan joq dep jazyluda. Osy turaly ne aitasyz» degen jurnalistıŋ saualyna Ükımet kuluarynda jauap berdı.
Bırınşıden, Maŋǧystau oblysyn äleumettık-ekonomikalyq damytu jönındegı 2021-2025 jyldarǧa arnalǧan keşendı jospar äzırlenıp, ıske asyryluda. Keşendı josparǧa säikes öŋırde Jalpy 55 myŋ jūmys oryndaryn aşu közdelgen, onyŋ ışınde biyldyŋ özınde 15 myŋǧa juyq jūmys oryndaryn aşu josparlanǧan, - dedı Eraly Toǧjanov.
Būl jospardyŋ ärbır tarmaǧyn ıske asyru boiynşa jauapty naqty memlekettık organdar anyqtalǧan. Keşendı jospardyŋ oryndaluy Ükımettıŋ baqylauynda.
Statistikalyq derekterge säikes 2022 jyldyŋ 1-şı toqsanynda Maŋǧystau oblysynda 17,3 myŋ jūmyssyz adam tırkelgen. (jūmyssyzdyq deŋgeiı – 4,9%). Ekınşıden, jalpy jyl basynan berı Maŋǧystau oblysynda 11,5 myŋnan asa jūmysqa ornalastyryldy (onyŋ 6,7 myŋy tūraqty jūmystar). Onyŋ ışınde 4,3 myŋ jūmys orny Jaŋaözen qalasynda (onyŋ 2,7 myŋy tūraqty jūmys oryndary). Iаǧni jospar oryndaluda. Būl jürgızıp jatqan jūmystardyŋ naqty nätijesı, - dedı ol.
Jūmyspen qamtu ortalyqtary arqyly – 9,7 myŋ jūmys orny. Qazmūnaigaz AQ qūrylymdarynda – 561 jūmys orny. Servistık kompaniialarda – 321 jūmys orny. Basqa da jūmys közderınde – 646 jūmys orny.
Üşınşıden, Maŋǧystau oblysyndaǧy äleumettık-eŋbek ahualy Ükımettıŋ kündelıktı, tūraqty baqylauynda. Oblysta öŋır basşysynyŋ jetekşılıgımen arnaiy ştab tūraqty türde jūmys ıstep jatyr. Törtınşıden, tek mūnai salasynda ǧana jūmys ısteuım qajet degen talap qoiu orynsyz. Jūmyssyz tūrǧyndardyŋ barlyǧyn mūnai salasyna ornalastyru mümkın emes. Jalpy «jūmys joq» dep, qol qusyryp, qarap otyruǧa bolmaidy. Äreket jasaǧan adamdarǧa jūmys ärqaşan tabylady, - dedı Toǧjanov.
Qaryndasymyz Dinara Naumova mümkındıgı şekteulı boluyna qaramastan öz ısın aşyp, özın jūmyspen qamtyp qana qoimai, 70-ten asa adamǧa jūmys berıp otyr.
Halqymyzda «Äreket tübı bereket» degen naqyl söz bar. Tumysynan ekı qoly joq Anar Beksūltanovanyŋ erık-jıgerı jastarymyzǧa ülgı boluy tiıs. Ol aiaǧymen ıs tıgudı üirenıp, öz käsıbın aşqan. Saryaǧaştyq taksist, taǧdyrdyŋ jazmyşymen ekı aiaǧynan airylǧan Nūrjan bauyrymyzdyŋ äleumettık jelılerde taraǧan videosyn bärıŋız kördıŋızder. Ol «jūmys joq degenge senbeimın» deidı. Sondyqtan jūmys ızdegen adam naryqtyŋ sūranysyna säikes bılıktılıgın köterıp, käsıpkerlıktı qoldau baǧdarlamalarynyŋ mümkındıgın paidalanyp, eŋbek etu qajet dep oilaimyn. Besınşıden, jūmys oryndary turaly mäselenı kötergende tek Maŋǧystau oblysyn ǧana aituǧa bolmaidy. Būdan da kürdelı mäseleler basqa öŋırlerde de bar. Atyrau oblysynda TŞO kompaniiasynyŋ «Bolaşaq keŋeitu» jobasynyŋ aiaqtaluyna bailanysty jyl soŋyna deiın 37 myŋ qazaqstandyq bosatylady dep kütılude (2 myŋ şeteldık). Qazırdıŋ özınde 6 myŋnan asa adam bosatyldy. Onyŋ 1,5 myŋy jūmysqa ornalastyryldy. Bosaǧan qyzmetkerlerdı basqa jobalarǧa tartu, qaita daiarlau boiynşa naqty jūmystar jürgızılude, - dedı ol.
Basqalarmen bölıse
otyryŋyz
