«Jumys joq» dep qol qýsyryp, qarap otyrýǵa bolmaıdy – Toǵjanov

599

Premer-mınıstr orynbasary Eraly Toǵjanov «Áleýmettik jelide Mańǵystaý óńirinde jumys máselesi kúrdeli, kúnde aıqaı tolastar emes. Jumysyzdar sany kóp. Mańǵystaýda 5 myń jumys kózi ashylady dep aıtylǵanyna qaramastan birde bir jumys orny ashylǵan joq dep jazylýda. Osy týraly ne aıtasyz» degen jýrnalıstiń saýalyna Úkimet kýlýarynda jaýap berdi.

Birinshiden, Mańǵystaý oblysyn áleýmettik-ekonomıkalyq damytý jónindegi 2021-2025 jyldarǵa arnalǵan keshendi jospar ázirlenip, iske asyrylýda. Keshendi josparǵa sáıkes óńirde Jalpy 55 myń jumys oryndaryn ashý kózdelgen, onyń ishinde bıyldyń ózinde   15 myńǵa jýyq jumys oryndaryn ashý josparlanǵan, - dedi Eraly Toǵjanov.

Bul jospardyń árbir tarmaǵyn iske asyrý boıynsha jaýapty naqty memlekettik organdar anyqtalǵan. Keshendi jospardyń oryndalýy Úkimettiń baqylaýynda.

Statıstıkalyq derekterge sáıkes 2022 jyldyń       1-shi toqsanynda Mańǵystaý oblysynda 17,3 myń jumyssyz adam tirkelgen. (jumyssyzdyq deńgeıi – 4,9%). Ekinshiden, jalpy jyl basynan beri Mańǵystaý oblysynda 11,5 myńnan asa jumysqa ornalastyryldy (onyń 6,7 myńy turaqty jumystar). Onyń ishinde 4,3 myń jumys orny Jańaózen qalasynda (onyń 2,7 myńy turaqty jumys oryndary). Iaǵnı jospar oryndalýda. Bul júrgizip jatqan jumystardyń naqty nátıjesi, - dedi ol.

Jumyspen qamtý ortalyqtary arqyly – 9,7 myń jumys orny. Qazmunaıgaz AQ qurylymdarynda – 561 jumys orny. Servıstik kompanııalarda – 321 jumys orny. Basqa da jumys kózderinde – 646 jumys orny.

Úshinshiden, Mańǵystaý oblysyndaǵy áleýmettik-eńbek ahýaly Úkimettiń kúndelikti, turaqty baqylaýynda. Oblysta óńir basshysynyń jetekshiligimen arnaıy shtab turaqty túrde jumys istep jatyr. Tórtinshiden, tek munaı salasynda ǵana jumys isteýim qajet degen talap qoıý orynsyz. Jumyssyz turǵyndardyń barlyǵyn munaı salasyna ornalastyrý múmkin emes. Jalpy «jumys joq» dep, qol qýsyryp, qarap otyrýǵa bolmaıdy. Áreket jasaǵan adamdarǵa jumys árqashan tabylady, - dedi Toǵjanov.

Qaryndasymyz Dınara Naýmova múmkindigi shekteýli bolýyna qaramastan óz isin ashyp, ózin jumyspen qamtyp qana qoımaı, 70-ten asa adamǵa jumys berip otyr.

Halqymyzda «Áreket túbi bereket» degen naqyl sóz bar. Týmysynan eki qoly joq Anar Beksultanovanyń erik-jigeri jastarymyzǵa úlgi bolýy tıis. Ol aıaǵymen is tigýdi úırenip, óz kásibin ashqan. Saryaǵashtyq taksıst, taǵdyrdyń jazmyshymen eki aıaǵynan aırylǵan Nurjan baýyrymyzdyń áleýmettik jelilerde taraǵan vıdeosyn bárińiz kórdińizder. Ol «jumys joq degenge senbeımin» deıdi. Sondyqtan jumys izdegen adam naryqtyń suranysyna sáıkes biliktiligin kóterip, kásipkerlikti qoldaý baǵdarlamalarynyń múmkindigin paıdalanyp, eńbek etý qajet dep oılaımyn. Besinshiden, jumys oryndary týraly máseleni kótergende tek Mańǵystaý oblysyn ǵana aıtýǵa bolmaıdy. Budan da kúrdeli máseleler basqa óńirlerde de bar. Atyraý oblysynda TShO kompanııasynyń «Bolashaq keńeıtý» jobasynyń aıaqtalýyna baılanysty jyl sońyna deıin 37 myń qazaqstandyq bosatylady dep kútilýde (2 myń sheteldik). Qazirdiń ózinde 6 myńnan asa adam bosatyldy. Onyń 1,5 myńy jumysqa ornalastyryldy. Bosaǵan qyzmetkerlerdi basqa jobalarǵa tartý, qaıta daıarlaý boıynsha naqty jumystar júrgizilýde, - dedi ol.

 

Pikirler
Redakııa tańdaýy