Túrkistan oblysynda 8 jasar qyzdyń zorlanýyna qatysty qylmystyq isti tergeý barysynda jantúrshigerlik jańa málimetter anyqtaldy. Belgili bolǵandaı, ógeı áke qyzyna úsh jyl boıy tıisip qana qoımaı, osynsha ýaqyt zorlap kelgen. Bul týraly Túrkistan qalasynyń mamandandyrylǵan aýdanaralyq sotynda ótken sot otyrysynda belgili boldy. Memlekettik aıyptaýshy azǵyn ákege 22 jyl jaza taǵaıyndaýdy surady, dep habarlaıdy “Adyrna”tilshisi «Otyrarǵa» silteme jasap.
«Aıyptaý qorytyndysyna sáıkes, aıyptalýshy kishkentaı qyzyn 2019 jyldyń Jańa jylynan bastap zorlap kelgen. Iaǵnı, alǵashqy zorlyq Jańa jyl kúni bolǵan. Sóıtip kishkentaı qyz úsh jyl boıyna zorlyq kórip kelgen. Prokýror ony QR Qylmystyq kodeksiniń eki baby boıynsha kináli dep taýyp, jıyntyǵy 22 jylǵa bas bostandyǵynan aıyrýdy surady», - dedi oblystyq sottyń qylmystyq ister jónindegi tóraǵasynyń mindetin ýaqytsha atqarýshy Dáýren Madalıev.
Eske salsaq, Túrkistan oblysy Shubarsý aýylynda ógeı ákesi 8 jasar ógeı qyzyn zorlap, artynsha qyzdy qansyraǵan kúıde mektepke jibergen. Jantúrshigerlik zorlyq-zombylyqtan keıin qyz balaǵa eki ret ota jasalyp, aqyr sońynda onyń jatyry alynyp tastaldy.
Atyshýly is boıynsha úkim kelesi aptada belgili bolady.
