"Laskovyı Maı" tobynyń burynǵy solısi, tanymal reseılik ánshi Iýrıı Shatýnovqa der kezinde kómek kórsetpegen jedel járdem dárigerlerine qatysty qylmystyq is qozǵaldy, dep habarlaıdy KP.RU portaly.
Degenmen qylmystyq is qandaı bap boıynsha qozǵalǵany belgisiz.
"Iýranyń jaǵdaıy ústelde otyrǵanda nasharlap ketti. Kenetten keýdesin ustap, tynys alýy qıyndady. Biz jedel járdem shaqyrǵan edik, biraq dıspetcher naýqasty “ózderiń alyp kelińder, áıtpese, kóp kútip qalasyńdar” dep jaýap berdi. Jaqyn mańdaǵy jedel járdem bólimine aparǵan edik, ol jaqtaǵylar naýqastyń jaǵdaıy aýyr dep aýrýhanaǵa jiberdi. Sondaǵy bergen kólikteri – eskirgen, esh jabdyǵy joq “
Gazel” avtokóligi. Iýra aýrýhanaǵa jetpeı kóz jumdy. Aýrýhanada dárigerler oǵan kómektespek boldy, alaıda qoldarynan eshnárse kelmedi. Sebebi ol kezde Iýra qaıtys bolǵan edi. Menińshe, aýrýhanaǵa jetkizgenshe kesh bolyp ketti, qazir dárigerlerdiń ústinen qylmystyq is qozǵaldy”, – deıdi marqumnyń kómekshisi.
“Adyrna” ulttyq portaly
