Energetıka mınıstri janar-jaǵarmaı baǵasyn ózgertý boıynsha arnaıy buıryqqa qol qoıdy. Jańa qujatqa sáıkes, Qazaqstannyń barlyq aımaǵynda janarmaı men dızel otynynyń shekti baǵasy ózgeredi, dep habarlaıdy «Adyrna» ulttyq portaly.
Energetıka mınıstriniń baspasóz qyzmeti habarlaǵandaı, AI-80-niń shekti baǵasy lıtrine 89 teńgeni, AI-92 jáne AI-93 Qostanaı, Soltústik Qazaqstan oblystarynda – lıtrine 187 teńge, Nur-Sultan, Almaty, Shymkent qalalarynda, Aqmola, Aqtóbe, Shyǵys Qazaqstan, Batys Qazaqstan, Almaty, Atyraý, Jambyl, Qaraǵandy, Qyzylorda, Pavlodar, Túrkistan, Mańǵystaý, Abaı, Jetisý, Ulytaý oblystarynda – lıtri 182 teńge quraıdy.
Al dızel otyny (jazǵy, maýsymaralyq): Aqmola, Aqtóbe, Shyǵys Qazaqstan, Batys Qazaqstan, Qostanaı, Soltústik Qazaqstan oblystarynda, sondaı-aq Abaı oblysynda – lıtrine 260 teńge; Nur-Sultan, Almaty, Shymkent qalalarynda, Almaty, Atyraý, Jambyl, Qaraǵandy, Qyzylorda, Pavlodar, Túrkistan, Mańǵystaý, sondaı-aq Jetisý, Ulytaý oblystarynda – lıtri 230 teńgeden turady.
Bul rette AI-95 jáne qysqy dızel otynynyń baǵasyn retteý qoldanylmaıdy.
Osy buıryq alǵashqy resmı jarııalanǵan kúninen bastap qoldanysqa engiziledi jáne kúntizbelik 180 kún ishinde qoldanylady. Iaǵnı, mundaı baǵalar 2023 jyldyń qańtar aıynyń basyna deıin bekitiledi.
Qujatta munaı ónimderin bólshek saýdada ótkizý kórsetkishi munaı men munaı ónimderiniń álemdik baǵasy, eýropalyq naryqtarǵa tasymaldaý shyǵyndary, akızder, operaııalyq jáne basqa da shyǵystar eskeriletin formýla boıynsha aıqyndalatyny atap ótilgen.
«Adyrna» ulttyq portaly
